獨遊之旅~台北Last Day

黎到最後一日，行程非常簡單，遊覽台北車站，呢個台北最重要既交通樞紐，當然唔單止車站咁簡單，仲係買手信，餐廳雲集，購買既好地方.黎到台北車站既第一件事，就係行李寄存，我會推介大家去車站旁既行李寄放中心，地方大，而且夠平，只要提供取回行李既時間，就可以寄放！講翻台北車站，外型好似宮殿一樣，最特別既係，車站大堂地下係可以坐，俾大家hea下！

又到午飯時間，車站二樓有好唔同種類既餐廳，日式，日式，中式都有，仲有food court，今次係food court揀左間焗飯，味道都可以.

食完飯，係車站行多陣，就準備去機場，黎個時係搭機場客運，今次就調翻轉，坐機場捷運，捷運比客運快，而且搭客運擔心塞車.台北車站最底層係機捷站，列車有分普通車及直達車，如果去機場，一定係揀直達車，會快好多！大概四十分鐘，就到桃園機場第一航廈，準備去check in

黎到機場，check in完，就正式向台北say goodbye，走之前，仲有一件事，就係搭國泰航空既A350客機，呢間機係最新型號，座位新淨，而且電視螢幕大，食埋呢餐飛機餐，代表台北之旅正式結束！下個trip再見