独游之旅～台北 Day3 Part2

去完松山文创园区后,就搭捷运去下一个景点.一讲起台北,最代表性既建筑物,就一定系台北101,其实我自己都几钟意去一啲观景台睇景色,之前去东京,都有去skytree睇吓,望落去真系几靓,今次去台北,又点可以放过台北101呢！

 

搭左几个站后,黎到台北101/世贸站,我拣咗5号出口,一出站,企系大马路上,枱头一望,101就系面前,绿色既设计,笔直既外型,显得与外围既建筑物不同！入到大楼,先经过商场,才可以到观景台既入口,今日人楼唔算多,排左十至十五分钟左右,再搭䢂上去.一出䢂,成个台北尽在眼前.今日天朗气清,景观非常清晰,清到每一幢建筑物都望到,呢一刻,只会攞住部电话周围影！

大概逗留左一个钟后,就离开101,其实差唔多入夜,要食晚饭,之前去士林夜市,当然唔够啦,所以拣左另一个夜市「饶河夜市」.呢个地方,系我今次黎台北最钟意既地方,没有之一！首先讲交通,好多人会教去饶河夜市,系松山站1号出口,但其实系错,以我今次既经验,应该5号出口会更方便,一出站,望向对面,已经系夜市入口,夜市既牌坊非常多人影相.呢个夜市似一条食街,中间两旁既档口全部都系食,唔讲咁多,即刻带大家睇下有咩食！

一入到饶河夜市,最多人排队既,就系「福州世祖胡椒饼」,所卖既野就好似上海生煎包既猪肉包,用炉烤热,我买左一个来试,一攞上手,非常热辣辣,里面烤得非常香,胡椒味不太浓,但我自己认为呢个唔算特别推荐,虽然好多人排队,但味道唔系太突出,不过如果系第一次黎呢个夜市,系可以试下既.

食完胡椒饼，继续行下有咩食，呢度真系好热闹，人头涌涌.行行下见到一间买山猪肉肠既铺头，见到烧得非常靓，而且有唔同既调味料拣.台湾夜市既小食，好多时会有唔既调味料俾你拣，例如:酸辣，孜然，胡椒等等.呢间山猪肉肠都唔例外，有唔同既调味拣，买左三条黎食，一百蚊台币.同一般既猪肉肠唔同，会比较重猪肉味，而且我拣左柠檬汁调味，酸酸咸咸，非常惹味，超级推介！

食完之后，再行多阵，再食多少少，要饮番杯野，见到有间[九龙城香港茶]，卖港式饮品，食左咁多野，饮番杯涷柠茶消济，爽哂！

第三日既行程就完结，之后个日就翻香港，行程唔会有太多，想知我最后一日既行程，请留意Day4!