独游之旅～台北（Day 1）

2018年六月,系我人生第一个正式既旅行,拖延左两年既毕业旅行,同几位中学去咗东京,作为第一次旅行既我,当然跟大队,人去边,我去边.七日七夜既东京之旅,好快结束.旅程结后,读书课程亦完结,要开始工作.对旅行非常热束既我,开始边做兼职,储钱去旅行,平时都会自己一个四处走既我,加上受一位youtuber既影响,放胆挑战一个人去旅行.就喺呢股冲动就令我踏上独游既不归路！

 

起初,令我烦恼既系,去边个地方旅行好呢,纠结一轮,就拣左港人星期六日最爱去既台北,让我小试牛刀,体验独游感觉.终于喺九月初,开始我既台北之旅！

 

第一次计划行程,难免有困难,究竟台北有咩玩,有咩食,有咩买呢？？系我既眼中,台北应该系一个平靓正既地方,容易沟通,夜市有好多野食,啲野又平,景点又多,用左几日,睇吓旅游书,睇吓youtube,有咩正野推介.临出发两日,终于plan好哂,准备出发！

 

2018年9月11号,风和日丽既早上,准备搭机场巴士去机场,七点半左右,踏入一号客大楼,上次既东京之旅用terminal 2 好少人,今次既T1,真系差好远

 

 

话件事比大家知,其实我系国泰既小fans,今次短短去台北,都拣左国泰n最正既系,回程班机系国泰最新型号飞机 A350！讲番呢次旅程先,到左机场,check in完,食埋野n系时候去闸口等上机啦,平时系ig见人地post闸口相,今次终于可以到我影喇！

 

 

香港去台北真系好快,个半钟就到.终于到左台北,第一件事就梗系出市区呢,台北机场出市区主要有几种方法,机场捷运,机场客运,的士.今次既酒店拣左西门町,相信第一次去台北,好多人都会拣西门町既住宿,一黎方便,二黎西门町多姿多采！虽然机场捷运方便快捷,但系考虑到可能冇位坐,而且落车又要攞行李行好长既路,我决定拣机场客运巴士,价钱平,又舒服,最紧要系一定有位坐

 

 

搭左一个钟左右,到咗台北车站,再转捷运到西门町,系搭捷运之前,梗系买张悠游卡（台湾版八达通）用.搭左两个站,一出站,就已经感受到西门町既气氛,非常热闹,就好似香港既旺角一样.不过,攞住个喼,梗系去酒店check in 左先,今次拣左间平平地既酒店,每晚都系三百蚊左右,环境都算舒适干净,而且离西门站都系几分钟路程！

 

 

 

 

 

 

 

 

系酒店休息左一阵,就正式开始旅程,西门町里面,有座西门红楼,系买一啲手作,文创商品,有台湾特色既产品.作为文青既我（哈哈😄）梗系要入去吸收下.虽然冇买野,但入面气氛相当唔错！

 

 

 

 

 

 

 

 

 

 

去完西门红楼之后,就去西门町最出名既行人专用区行下.黎呢度,除左游客,好多当地既年轻人都会黎,呢度非常有活力,而且人流从未减退,系唔同既街道,每间铺都唔同,有卖小食既,卖手信,卖电子产品,卖药妆既都有,就咁行,真系要小心白己既荷包,唔系惊俾人偷走,而系怕买到唔停手.就系咁,行下行下,己经个几两个钟！

 

 

 

 

 

 

 

 

行完西门町之后,差唔多入夜,喺时系去一个台湾必到既地方～夜市.讲起台北既夜市,我相信好多人第一时间会答士林夜市,冇错,台北既第一晚,就去士林夜市朝圣.去呢个夜市,好多人都会搭捷运,但系,唔少人都会搞错士林夜市系士林站,其实唔系,应该系剑潭站先啱,一出站就见到士林夜市.由于早到咗少少,铺头未开哂,就行一阵先,睇下有咩啱食,士林夜市有分户外同室内,室内既形式比较似餐厅,而户外就好似小食街一样,去扫街！行左一阵,铺头开得七七八八,第一档就拣左喺街口既「家乡碳烤鸡排」,见到已经好多人排队,梗系要试吓啦.真系非常好味,金黄色既鸡排,炸得好香脆,而且入面唔干,几juicy.其后,我就拣左间食骰子牛,味道自选,我就拣左黑胡椒味,啲牛肉会烧到一粒粒,好似骰仔,所以叫骰子牛.食左两样野,再行多一阵,就离开士林夜市,番西门町.突然想食甜品,于是系西门町揾左间食水果冰既铺头,叫左份芒果冰,粉量唔少,而且芒果几甜,可以话作为第一日既结束,最好不过！

 

 

 

 

 

 

 

 

 

 

 

 

第一日就咁结束,第二日我将会去九份十份一日游,加上食一间好推荐既拉面店,敬请期待呀～