為工作而生活/為生活而工作 ？

我諗大部分人係細個既時候都有諗過想快D 長大
希望到18歲就可以做好多吾同既野
因為童年既思想永遠都係最簡單 
點會估到原來每段成長過程會遇到好多問題 會接觸到吾同情緒

有好多人講過要好好珍惜每段時間 因為過左25歲之後 時間會過得比你想像中更快更快
如果你同我一樣過左25歲  你會好有同感
未到25歲既你 千萬吾好輕視呢句說話！
時間真係過得好快 如果你有野想做而吾敢做 我希望你可以重新諗一次
想做就去做  想食就去食  吾好俾任何野阻擋你前進

因為人愈大  機會就會愈小  吾係冇可能做吾到  而係你會因為吾同因素而令你腳步
不過都睇你想做既野係咩  都有野係人大左先會做到
只係如果你愈早開始知道自己既目標  想做既事  你之後既路會舒服D

最主要會令你腳步既原因係社會因素同人  （家人 / 朋友 / 愛情 / 物質 / 錢）
係香港生活 大多數人都係為生活而工作 想穩穩定定買間屋都供吾起/供到吾知幾多年
有人放棄買樓 /有人放棄生活而供樓 /諗幾時先買得起
但真係開心咩？
每星期番工  5 / 6日  放假有得同朋友出街當然係好事
但又有幾多人因爲每日番工攰到連放假都情願留係屋企休息
番工可以番到同朋友見面愈黎愈小 約出黎既時間要夾幾個月先夾到一次
就好似身處係吾同國家  有時差
可能你會諗點會有咁誇張 但呢個情況試過無數次係我身上
所以要好好珍惜可以輕鬆既日子

香港同外國生活方式？（個人意見）
無錯  大部分既外國人係會以生活行先 工作行後
可能係搵吾到工  但做緊野既佢地都一樣覺得生活開心先係最重要
當然 呢個都係香港人既"夢想" 有邊個吾想日日開開心心

香港一直番工番工番工 搵錢搵錢搵錢 食玩旅行 買爆手信 食飯電話相機食先
番工做吾停 有時候受人氣又冇得呻 所謂受人錢財替人消災
好多工時/糧係吾成正比 又冇得投訴 又冇得做小D 
番工番到以經冇左自己
如果你做緊自己想番既工 你以經好好運
如果仲未搵到   加油！

幾年前試過WORKING HOLIDAY
慣左係香港做好多個鐘  覺得咁先係正常
但原來人地係覺得咁既生活係吾正常
不過都有好有吾好既
對佢地黎講 番幾個鐘工就去玩先係正常
試過老闆吾想我咁辛苦 情願請多個人接更都吾俾我繼續做
但我同佢講 我都吾攰 我想繼續做 幾個鐘太小
我好記得佢係答我  走走走 你依家要做既係要去享受生活 去沙灘 去玩 要休息
吾準番工 玩夠先番黎
佢吾係講笑 而係吾會好似某D公司要你做到隻狗 做到夜一夜都吾俾OT錢你/低人工
會俾你感覺上係冇壓力生活
雖然外地生活係好  但香港是我家 我都一樣鐘意係香港生活
只係感受吾同

為工作而生活/為生活而工作 

希望每一位都可以做到生活開開心心
吾好俾工作影響到自己大部分既生活
當然仲有好多原因  
但以經太長 如果你鐘意我既文章  希望你會繼續支持
另外可以留個言話我知你想睇更多我寫既野

所有純粹個人意見