唔好乜都話係AI，先搞清楚「生成式 AI vs 代理式 AI」到底有咩分別？

過去一年不停都係度講AI有幾勁又乜又物，而AI已經唔係咩遙不可及嘅高科技，而係你今日就可以用到、幫到你生活同工作嘅工具。只要你搞清楚兩個基本概念——生成式 AI 同代理式 AI——你就會知道，點解香港咁大力推，點解你今日唔學用，明日就會輸俾隔籬位後生。

生成式 AI 嘅本事，就係幫你「快快手生產一個版本」。又或者你哋之前好鍾意用嚟整漫畫整模型個啲，都屬於呢一類。

好似你個報告，輸入「香港零售業2025前景」，生成式 AI 幾秒就俾你一份初稿。唔完美，但有咗起步位，你可以再執再改。

呢種 AI，就係你身邊嗰個「快手實習生」，任何時候幫你打底稿，慳返你腦力。

但如果淨係得生成式 AI，你仲要自己睇數據、搵資料、約會議。

代理式 AI 就係再進一步。除咗幫你生報告，佢仲會：

自動拉埋 Excel 數據比對；

搵返新聞資料幫你放附件；

幫你 send email 約星期五開檢討會；

前一晚仲提醒你準備投影片。

呢一隻 AI，就好似「全能秘書」，唔止生產，仲會將流程打點好晒。

前者係起點，後者係落地。兩樣一齊用，先至叫「真係幫到手」。

生成式 AI：要你寫份「香港零售業2026前景」報告。你輸入關鍵字，AI生成一份市場分析草稿。即係好似有個實習生幫你打底稿。

代理式 AI：除咗生報告，仲會：

自動幫你整理Excel數據；

搵返過去三個月同類新聞放入附件；

整埋Slide幫你準備做Presentation，仲可以整個互動式網頁，比人自己去揀想睇乜嘢資料都仲得。

施政報告成日講「AI 效能」、「創科中心」。呢啲聽落去好宏大，但對你最直接嘅意義就係：AI 唔再係高高在上，而係今日你已經可以用到。

唔洗等全香港轉型，你今晚就可以拎住一份功課、一份報告、一個煩緊嘅生活問題，交畀 AI 幫你試一次。

👉 想試用代理式AI有幾勁，可以用呢條連結申請 MANUS即刻加多500分比你玩：
https://manus.im/invitation/WMTLT4ULFXCV

生成式 AI：就好似茶餐廳廚師，你落單「豬扒包＋檸茶」，佢幾分鐘就整到出嚟俾你。

代理式 AI：唔止有廚師，仲有跑堂幫你攞位、送餐、收銀，甚至幫你留枱同打包帶走。

一個專注「生產」，一個專注「流程」。

當全世界都推 AI，其實就係想各行各業唔止「有得生產內容」，而係「有得落地執行」。

對於你：

生成式 AI = 幫你慳腦力

代理式 AI = 幫你慳時間

兩樣一齊用，先至叫真正「AI幫到手」。

香港成日講「競爭力」，其實最實際就係：用得比人快。唔好淨係聽新聞講 AI 幾勁，試一次先知原來真係可以幫你收工早。

生成式 AI 幫你「有嘢交差」，代理式 AI 幫你「全程搞掂」，企業CEO都去上堂，你仲等咩？唔好等「AI改變香港」，不如今晚開始，畀AI改變你。