【香港搞創科】三隻小豬的故事
唔知道大家有無睇早牌好有話題性的電視劇《IT狗》？呢套劇係少數我會由頭追到尾的電視劇。劇情除左搞笑，亦都好貼地，睇得出編劇，對於香港創科界狀況有很多認識，做足功課。
劇裡有好多諷刺香港社會正在發生的現象，香港人有好多共鳴。當中我特別欣賞阿信呢個角色對於PayPayDuck 的執著，做實事實踐他的Vision。
香港一直都是以國際金融中心自居，無錯係有好多叻人，尤其係好叻「賺快錢」的人，炒炒賣賣本來就係「香港才俊」的老本行。
香港要搞創科，需要做實事的「蠢人」。
現今全球十大市值公司，大部份都是IT 企業。由金融走到科技年代，這次「香港才俊」換成去搞創科，又會是一個怎樣的景象呢？或者就如劇中比喻，可以用三隻小豬的故事講說。
豬仔甲
豬仔甲有很多吸睛的創業項目想法，也很Smart 很有銷售口才，尤其擅長申請政府的創業基金和資助 (Funding)。幾年來，豬仔甲重重覆覆，以各式各樣的項目想法，申請取得政府的基金資助，每個項目取得約數十萬的資助，然而至今仍未有一個項目有產出可見到蹤影的，取得的Funding 到底是用在何處，亦不得而知。
