最緊要唔好驚! 女生獨遊小貼士
我曾經獨遊非洲歐洲美洲亞洲不同大小的國家，從第一次既興奮又緊張，到後來每年一次的出遊， 我漸漸明白到獨遊可能係一種therapy, 每一次都係重新認識自己, 解放潛能嘅機會。 正所謂試過先講，未試過嘅又點知啱唔啱自己呢？
定啲嚟，唔洗驚
女生獨遊成日都畀人話：「危險呀,唔好去呀。」唔好意思，其實做乜嘢都會危險，你出街都有可能會被車撞（絕無詛咒既意思）,其實女仔獨遊，只要夠細心，做足行程準備，唔好做傻事，其實冇乜嘢難到你。
好似一個女仔出街食飯，難免會俾人搭訕，但呢個時候請相信你嘅第六感，如果呢個人比你嘅感覺唔好，禮貌拒絕已經可以，正常人通常識做。 最重要唔好show到你好驚青, 一驚就弊，有心人反而想食住上。