营销策略 之 抢 食 世 界

政府准备推出 「$5000 消费券」，各路英雄正在磨拳擦掌，准备各出奇谋，大杀3方，务求把这件「肥肉」吃到口！

优惠券啦，消费几多钱又有野送啦⋯⋯等等。

香香酒楼就开会，有乜奇谋妙计，把市民的「消费钱」先拿到手呢？

「我有妙计把下半年的生意额提升3倍！」何经理话。

「咁 叻仔？而家我哋晚晚做半价、一蚊鸡都系反应麻麻。」老细说。

「一如既往的今次优惠券推出买$1000 送$500，祗限晚饭用，仲要年底前用哂，冇得退换。」何经理。

「咁会唔会太大手笔？送成一半，仲可以用到50张，不需先花现金？

咁唔得！岂不是我们白做？」李部长

「对！起码都要佢消费超过$300 才可使用一张。还有…..」其他经理七咀八舌….

忽然间 老板拍枱：「Shut up !」

「平时叫你哋念计点様增加生意额，就话疫情乜疫情物。次次都系一蚊🐔，我地只股票几年够系一蚊🐔，升极都升唔郁。

而家有个新提议就话要设门槛，越拉越高，咁就以为赚多啲钱！

你估客人儍𠺢？

全香港唔系得你一间酒楼？

香港人系最精明既消费者，你搞咁多花臣，人家就索性唔买，咁你地自己食哂去啦！」

当堂你眼望我眼，鸦雀无声。

「我地要大刀阔斧，不设门槛。买$1000 送$500，等佢地连念都唔驶念！

到时加碟花生, 酸菜、茶芥 ，加一，每次加啲，加加埋埋就乜仇都报哂啦！重驶搞一蚊🐔？何况埋单冇理由会系齐头数，更唔会话蚀底俾酒楼，咁无形中又消费多咗！」老板话。

「好啦、够啦，老板。不如我哋念埋电子卷添啦！」何经理。

「ok 各就各位！准备出击！」老板。

8月1日推出第一天，买卷的人排队排到开巷，果然驶得！

星星酒楼亦急不及待推出$2988 全包宴，送埋啤酒汽水，以为市民领咗$2000，应该会好疏爽啦，谁不知已经俾人家「饮咗头汤」。

买咗卷嘅客人己急不及待等book 位，祗求年底前「消灭」哂佢，半卷不留。

星星酒楼的老板立即召开紧急会议，有乜反计抢攻呢？

有人话：不如半价优惠、一蚊一只烧鹅、免茶、送义烧饭等等。

「哎哟！有冇啲实际嘅桥，咁搞法我送埋间酒楼都未天光啦，散会！」星星老板被气到想爆炸。

「以其人之道 还治其人之身。」在旁边拾枱的清洁工自言自语道。

「阿叔你讲乜？」星星老板问。

「啊，大可以出告示：

由今天至本年12月31日前用八达通付款食$500 送$100 「现金卷 」由明年一月一日开始使用至农历新年为止，亦是祗限晚饭宵夜，不设门槛，每次最多用5张。「现金卷」数量有限，送完即止。

咁系咪唔使要人买卷，又立即抢番好多生意咩，仲保证农历年前有一定的生意额添。」阿叔话。

「啊哟，又不妨试吓，好过等运到，阿叔你叫乜嘢名？食咗饭未呀……..」