【七大freelancer法则 】Rule#6 人际网络

俗说话:「识人好过识字」，以我咁多年做freelancer经验，呢句说话系岩既，特别多既岩岩投得freelancer事业，好多都系靠朋友、朋友既朋友一单一单咁介绍黎，之后有portfolio就可以多D系online既途径接单，所以应该抽少少时间出去networking，大家出去互相讲解下遇到咩困难，可能唔单止你既服务会适合其他公司，仲会揾到一D服务能够帮你做大做好。

坊间有好多途径揾到networking既场合，例如：

1. Freelancer协会 — 一个专门比人组织活动既平台，上面分左好多唔同种类/主题/行业既活动，运动既有、普通食饭既有、讲座有、行业性既饭聚都有，根据唔同组织会有唔同既收费/免费，我比较建议系度揾下活动参加，我地都有系度搞freelancer聚会，大家可以上去揾下适合自己既活动

2. 主题讲座/工作坊 — 去既人同相关主题既多，大家系活动时除左增长知识，活动后大家互相交换卡片，介绍下自己，话唔埋都有得著

3. BNI — 商务早餐会，需交一定会费，并且需拉其他人到早餐会。优点系生意介绍机会多，缺点系真系需要花时间去经营同消费人脉

4. 群组活动 — 多参加一D相关群组，平时可以用聊天工具同其他人预热一下，有网聚果时出黎会比较好，之后再互相介绍同讲下经历

另外应该为networking set返D目标，例如想识到几多个人/交换几多张卡片/介入到自己业务…等等，同时你要运用rule# 5销售既skill包装自己，要讲解下自己可以为大家带黎乜野既价值，认识潜在客户、经理人及同行，多数客户都想揾一d有接触过既客人黎帮佢地工作，亦有同行会需要你既帮手，人际网络强大令你有机会接更多工作同成名机会更大。