当Work变成Home-to-work？

Work基本上人人都识，坐定定系Office度办工，但你又有无谂过坐定定系屋企办工(Home-to-work)？

无错，系系屋企，事关有啲工作基本上系屋企有电脑就已经可以做到。而Freelance job系外国系好普遍，甚至大企业都会将一般文书工作交比Freelancers做。而Freelancers用既有既知识系屋企都可以工作，亦唔系话要有好专门既知识先可以做到既。

觉得自己无咩专长？知识？唔紧要，其实平日番工番学接触到既Word, Excel, PowerPoint已经可以做到文书既工作架喇。

Freelancers可以接触到不同种类既工作，基本上工种由普通打下字既文书处理到涉及到设计既工作都有，而且形式上亦有好多变化，例如我过往都试过帮初创企业Design佢地Present products既PowerPoint，佢地仲比晒相关既details我去了解佢地件产品，都系一个好有趣既经验黎。

Freelance job成日比人感觉系唔稳定，因为系逐个Project计钱，但其实只要有耐性同埋不断去尝试唔同工作，大部份都会想Keep住合作去擦出新火花。

Freelance job系有别于传统既工作模式，首先唔洗朝9晚5坐系Office，透过互联网而且可以工作，亦有弹性可以自由分配时间；其次尝试唔同工作可以吸收经验，因为系Office既工作主要围绕一间公司，所以来来去去都系差唔多，但Freelance job就可以每次都唔同公司，即使都系Paper work，每次既要求都唔一样，所以透过每个Job都可以学到野，从中提升到自己既知识水平。

虽然Freelance job既经验就好少写落CV度，除非合作左一段时间。但我系过往几次Interview，雇主反而对我既Freelance job experience好有兴趣，仲会觉得咁系愿意作出不同尝试同接受不同挑战既表现。

与其安于现状做个打工仔，不如考虑下做Freelancers去善用时间享受生活、见识下呢个世界？

本文为HKESE 编辑原创编撰，原有转载请注明出处。