一对监房认识的夫妻

十年前我因为犯事，所以入咗惩教署服刑，本来五光十色嘅生活，忽然间变得刻板，真系斋到不得了，惩教署每日都会派信，我见啲女人每次收信，都好似赢家一样，一睇就知系姣婆，当刻我仲未知道收信嘅魔力，有日有个朋友同我讲，既然我仲有日子，见我每日都咁dry， 不如就学佢一样，写返个笔友，大家可以倾下偈，𠮶阵我就谂都好嘅，反正自己又闷未试下啰，过咗几日，我真系收到一封陌生人嘅信，自此我哋就透过文字，而互相关心倾诉苦闷，慢慢我哋就成为咗一对纸上情侣，呢个游戏好玩在于大家唔识，想讲乜都得，唔需要隐瞒， 觉得唔啱倾嘅未唔写啰，反正大家都唔会见面嘅，就系咁先能够从零开始了解对方，无利益无失望，好特别上天对我好好，比我认识到同样第一次写笔友嘅佢，佢对呢份感情好认真，每日都写四页纸比我，为咗佢我变成另一个姣婆，虽然我哋系坐梗监，但都有工作，每日写四页纸都唔系一件容易嘅事，我好感动，日子好快就过，我要走啦！结果。。。