一對監房認識的夫妻

十年前我因為犯事，所以入咗懲教署服刑，本來五光十色嘅生活，忽然間變得刻板，真係齋到不得了，懲教署每日都會派信，我見啲女人每次收信，都好似贏家一樣，一睇就知係姣婆，當刻我仲未知道收信嘅魔力，有日有個朋友同我講，既然我仲有日子，見我每日都咁dry， 不如就學佢一樣，寫返個筆友，大家可以傾下偈，嗰陣我就諗都好嘅，反正自己又悶未試下囉，過咗幾日，我真係收到一封陌生人嘅信，自此我哋就透過文字，而互相關心傾訴苦悶，慢慢我哋就成為咗一對紙上情侶，呢個遊戲好玩在於大家唔識，想講乜都得，唔需要隱瞞， 覺得唔啱傾嘅未唔寫囉，反正大家都唔會見面嘅，就係咁先能夠從零開始了解對方，無利益無失望，好特別上天對我好好，比我認識到同樣第一次寫筆友嘅佢，佢對呢份感情好認真，每日都寫四頁紙比我，為咗佢我變成另一個姣婆，雖然我哋係坐梗監，但都有工作，每日寫四頁紙都唔係一件容易嘅事，我好感動，日子好快就過，我要走啦！結果。。。