【七大freelancer法則 】Rule#6 人際網絡

俗說話:「識人好過識字」，以我咁多年做freelancer經驗，呢句說話係岩既，特別多既岩岩投得freelancer事業，好多都係靠朋友、朋友既朋友一單一單咁介紹黎，之後有portfolio就可以多D係online既途徑接單，所以應該抽少少時間出去networking，大家出去互相講解下遇到咩困難，可能唔單止你既服務會適合其他公司，仲會搵到一D服務能夠幫你做大做好。

坊間有好多途徑搵到networking既場合，例如：

1. Freelancer協會 — 一個專門比人組織活動既平台，上面分左好多唔同種類/主題/行業既活動，運動既有、普通食飯既有、講座有、行業性既飯聚都有，根據唔同組織會有唔同既收費/免費，我比較建議係度搵下活動參加，我地都有係度搞freelancer聚會，大家可以上去搵下適合自己既活動

2. 主題講座/工作坊 — 去既人同相關主題既多，大家係活動時除左增長知識，活動後大家互相交換卡片，介紹下自己，話唔埋都有得著

3. BNI — 商務早餐會，需交一定會費，並且需拉其他人到早餐會。優點係生意介紹機會多，缺點係真係需要花時間去經營同消費人脈

4. 群組活動 — 多參加一D相關群組，平時可以用聊天工具同其他人預熱一下，有網聚果時出黎會比較好，之後再互相介紹同講下經歷

另外應該為networking set返D目標，例如想識到幾多個人/交換幾多張卡片/介入到自己業務…等等，同時你要運用rule# 5銷售既skill包裝自己，要講解下自己可以為大家帶黎乜野既價值，認識潛在客戶、經理人及同行，多數客戶都想搵一d有接觸過既客人黎幫佢地工作，亦有同行會需要你既幫手，人際網絡強大令你有機會接更多工作同成名機會更大。