【七大freelancer法则 】Rule#4 持续学习

无论你系freelancer定打工仔都好，有个千古定律 — 增值自己。千万不要安于现状，可能你而家靠现有既技能接到job，但freelancer系关乎自身既竞争力，rule#3提到freelancer跟创业一样，你唔提升竞争力，将会比新黎既竞争对手淘汰。

曾听朋友讲过佢朋友既经历，有一个人十年前系Flash程式设计既高手，佢攞过好多奖，以前好多人揾佢做野，但系佢冇学新野，有了解互联网既都知Flash早几年开始被淘汰，基本上都冇咩人用Flash黎整新野，所以佢慢慢变返一个好普通既programmer，逗住比一般programmer低既人工，又唔敢转工，因为市场唔再需要用Flash, 只能维护下D旧野;

又或者你觉得科技唔关你事，但系作为一个freelancer，skillset组合既增多，亦都可以向更高level进发，做online marketing既，你只知道FB同IG，如果了解埋KOL市场，亦都可以有多一个建议比合作单位，特别系想做大陆e-commerce既公司，大陆网红经济”好火”(大陆市场用词，留意其他市场文化也是一种学习，点样将香港商品卖到大陆都系一种学问，服务费亦都可以大大提高，因为人才唔多; 又或者设计既，可能也要留意”黄金分割法则””2018流行色”等，令到作品元素更丰富，可以推销得更高价钱（之后既rule会讲推销）。

学习途径亦不限于参考书籍深度学习，多上网留意行业最新动态、文章，教学影片等。由于现时网上资源丰富，学习既成本有所下降，免费既可以睇下facebook专页、medium文章、youtube片; 付费既可以到udemy（一个线上课程港币一百蚊左右）或其他blogger购买学习资源; 线下既亦都可以报读一D短期课程、免费讲座、bootcamp等。总之学到既系自己，揾到自己既专精再基于专精之上不断更新，最终得益既都系自己。