【七大freelancer法則 】Rule#4 持續學習

無論你係freelancer定打工仔都好，有個千古定律 — 增值自己。千萬不要安於現狀，可能你而家靠現有既技能接到job，但freelancer係關乎自身既競爭力，rule#3提到freelancer跟創業一樣，你唔提升競爭力，將會比新黎既競爭對手淘汰。

曾聽朋友講過佢朋友既經歷，有一個人十年前係Flash程式設計既高手，佢攞過好多獎，以前好多人搵佢做野，但係佢冇學新野，有了解互聯網既都知Flash早幾年開始被淘汰，基本上都冇咩人用Flash黎整新野，所以佢慢慢變返一個好普通既programmer，逗住比一般programmer低既人工，又唔敢轉工，因為市場唔再需要用Flash, 只能維護下D舊野;

又或者你覺得科技唔關你事，但係作為一個freelancer，skillset組合既增多，亦都可以向更高level進發，做online marketing既，你只知道FB同IG，如果了解埋KOL市場，亦都可以有多一個建議比合作單位，特別係想做大陸e-commerce既公司，大陸網紅經濟”好火”(大陸市場用詞，留意其他市場文化也是一種學習，點樣將香港商品賣到大陸都係一種學問，服務費亦都可以大大提高，因為人才唔多; 又或者設計既，可能也要留意”黃金分割法則””2018流行色”等，令到作品元素更豐富，可以推銷得更高價錢（之後既rule會講推銷）。

學習途徑亦不限於參考書籍深度學習，多上網留意行業最新動態、文章，教學影片等。由於現時網上資源豐富，學習既成本有所下降，免費既可以睇下facebook專頁、medium文章、youtube片; 付費既可以到udemy（一個線上課程港幣一百蚊左右）或其他blogger購買學習資源; 線下既亦都可以報讀一D短期課程、免費講座、bootcamp等。總之學到既係自己，搵到自己既專精再基於專精之上不斷更新，最終得益既都係自己。