【七大freelancer 法则 】- Rule#3 时间管理

全职投入成为自由工作者同创业冇咩分别，我认为freelancer就系成为小企业前的一个阶段，好多人都系一人公司开始（系度建议freelancer去开返间无限公司接job, 如有问题可入group问，慢慢做大，一样都系为自己建立品牌，令到自己既价值更高，好多野都系自己亲力亲为，亦因如此，变成无人看管状态，我地首先要面对既战争就系人既惰性，自己既时间管理变得非常重要，管理得唔好，严重影响效率。

而时间管理亦系定价既因素之一，freelancer要计算清楚服务定价可唔可以带黎最基本既生活费比自己先，你一个月可以接到几多项目，同完成几多项目，你需要好好用自己时间打量一下，我见过有D人话得话得，最后都系交唔到货，严重影响自由工作者声誉。就算最坏既情况真系交唔到，合约其间都应该多主动汇报进度比客户，等客户合道你真系做紧野，同埋佢都有预算另外D野点同你进行紧既项目配合，最主要主动汇报会令客户对你有绝佳既印象。

另外Rule# 1也提到唔好做烂市，对自己及行业风气都唔健康，聘请freelancer已令客户节省左好多成本，佢地只为每单项目而付款，唔需要比一个恒常既价钱同福利去养人，因为有时有D 项目又未至于需要请一个全职，所以只需寻找freelancer就得，所以佢地会愿意付出比全职较高既时薪去请freelancer（佢公司本身出唔起钱另计），但系定价也要合乎常理，同时间要想想你呢个价钱可以为客户带黎咩野既价值。

当然每个人都有每个人既一套，有 Ｄ人会觉得「我系值呢D价，你做就做唔做就唔做」; 又或者「我只系提供我既服务，我既服务定价系咁，你赚钱或者无效果我无必要帮你谂」，呢两种想法都无错，因为freelancer就系个性化，你想点话事就点，我唔需要「今时今日既服务态度」如何如何，每个freelancer都有自己既个性、技能、行为…等等，百花齐放，呢D先系真系既freelancer可爱之处。