婚后的男人

婚后的男人

           最近一出电影《虎毒不》引起大家对女性在婚后家庭付出、照顾小朋友及产后抑郁症的关注。作为一个已婚但未有小朋友的男人，当然被身边的女人(包括但不限于背后那位)劝导去睇这出电影。我不会说女人在婚后不伟大，但又有几多人敢讲婚后男人的生活。

          男人婚后不会太多去讲，又或者唔敢讲，几个结左婚既男人坐埋一齐，宁愿饮多两杯，吹下波经(因为要踢波唔系易事)、无聊野都唔想讲其实有几多苦水，因为真系有苦自己知。

          现代婚姻，男人无咩话事权，虽然人人唔同，但问心你敢唔敢好似上一代阿爸打牌打通顶，自己辛苦番工买个模型都要谂计收埋啦，想约朋友食饭都唔敢多两日，但女人要约闺蜜食饭，你敢反对吗？甚至有时一班男人倾计，都怕讲完传番比背后那位听到(突然背后有点凉意)。

           其实现代婚姻话事权都在女人手上，由开始倾结婚，到买楼生仔，到夜晚几点瞓，如果唔想嘈，都只有乖乖认命。家务凑仔，你真系可以唔使帮手？有几多个可以好似上一代阿爸只系番工番屋企咩都唔使理，大家心中有数。

     在婚姻中，男人永远都系错，你做咩都系错，女人有唔开心，情绪唔好，系你做成，就算唔系你做成，你唔听佢讲都系做错，怎会有平等。男人的压抑，男人自己都未必知。

     在婚姻中，男人又何尝不是放弃了很多，以前就话女人为婚姻放弃事业，而家我见更多系屋企事无大小都系男人处理，有时仲要特登请假、早走处理，女人为佢既事业拼博，有几多男人会敢唔支持。你看看你既上司是男多还是女多就知道了。

     最后，男人一直都没有唔讲道理的权利，认命吧！加上而家女人又唔使你养，甚至读书叻过你，现代的老公就系咁架啦。