咁！你！肥！一！世！啦！ | Gideon

昨晚跟老爸闲聊。

他突然语重心长：「如果你真系想解决𠮶两个问题，就系呢这两年啦。唔系老咗，就迟㗎啦！」

我：「甚么？您指减重？脚板形问题？膝内扣？」

老爸：「还有腰间肉。反正就是所有令你老咗唔行得唔瞓得嘅嘢啦！要处理就快。」

我：「唉！好难！」

老爸先翻咗个白眼🙄，说：「食少两餐老麦都搞掂啦！」

我：「做咩啫？其他茶记咪一样系食加工食品，有好啲咩？」

老爸二翻白眼，极度无奈：「加工食品你咪唔好食，或者𠮶量减半啰！点都好过老麦啦！咪同你讲过啰！十几年前已经通咗天啦。有个人忙得滞，放咗𠮶汉堡包入柜桶。一年后无意间见到佢。点知打开张包装纸，𠮶包𠮶样完全无变。咁你都仲敢食？你哋啲女人系咪真系咁钟意防腐啫？！」

我见老爸开始呕血，有少少淆底。但又唔忿气拗佢唔赢。所以变细细声咁问：「咁点啫？有咩可以食呀早餐？」

虽然老爸一副「我真系好想杀死你」嘅样，但佢照答。

佢话：「反正就系食原形嘅食物，少食煎炸食品。三餐定时定量，唔准食零食。」

我听完一脸惊恐：「咩算零食先？」

老爸直接摆出「生无可恋」的脸容：「除咗两餐中间食嘅生果，其他都系零食！」

我：「吓😩！凰梨波波系希望！薄荷朱古力系空气！烧烤味虾条系拯救㖞！」

老爸闭眼深呼吸咗两秒，然后用好坚定嘅眼神咁望住我，同我讲：「咁！你！肥！一！世！啦！」

K!O!