起點..

在社福界已經做咗十多年，從一開始塵一般嘅社工仔逐漸晉升到小薯管理層。雖然唔能夠話見過很多世面，但也算見識咗一些事情。在這段時間，目睹過好多同事的入職、離職，以及他們的升遷、轉變。也有些人懷著滿腔熱情來工作，卻又無奈地選擇了離開。

希望可以係到和大家分享一下我的社工工作經歷…

我做社工的其中一個諗法就係「不論大小事，只要能為他人帶來一點點祝福，這件都是值得的」。有時候，工作真的很容易讓人迷失方向。很多人可能不太清楚，社工其實也有很多數字要「追」，有時候「KPI」即係行內叫「服務協議」的數字也不是那麼容易達到。因此，像我一樣很多人工作一段時間後，會開始疑問自己「我到底在做什麼？」、「這個job的活動內容是主任想要的？還是我自己想做的？」、「我只是個追數的機器嗎？」如果不小心，就會陷入一種黑暗的漩渦。

所以，做社工可能不是大家想的那樣，隨便傾吓偈、吹下水、玩玩遊戲（很多中學生都是這樣理解-.-）。其實背後還有很多行政和文書工作。每次搞活動，社工都需要有理論支持，解釋點解要咁做。有時候還得面對各腦細的問題「個活動有咩social work element？」所以，除了要和服務對象、合作伙伴打交道外，社工其實都要好用腦，而且要應對到個腦細先得。

另外如果想入行做社工，大家記得一定要搵一些獲得社會工作者註冊局認可的課程，否則會浪費時間和金錢，最後拎唔到社工牌（那時真的很心痛）。而且，唔好以為讀社工可以輕鬆就得，其實社工課程中有一科「大佬科」就係「實習！」而且是無薪，唔係Intern。時數甚至要去到幾百小時。實習的督導也要看運氣，有時遇到好的督導，可能一份功課改一、兩次就交得；但如果遇到難搞的，可能要重做好幾次，真係好睇運氣。

實習的地方亦好重要，中心收多少實習都會影響你的體驗同成績。如果那段時間有很多實習生，競爭就會激烈，大家都追緊活動數字同參加者報名，唔好唔少都會做成壓力。不過，如果係好嘅機構出實習，基本上同事都會幫助實習同學做招募，這樣實習會順利很多。當然，咁好的同事都唔係一定有，所以要做好心裡準備喔。

根據我的經驗，長者服務和院舍的工作相對容易，適合入門；如果想接觸更多個案經驗，可以考慮學校或家庭服務。至於青少年中心，這也是很多人選擇的入門級別，但要面對的挑戰也不少。每個服務範疇都有不同的學習機會，實習真的是個很有意義的過程。

今天先聊到這裡，將來有時間再和大家分享更多經歷～