一個人上茶樓飲茶

有很多原因一個人上茶樓飲茶, 有的是單身, 有的伴侶先行, 有的是朋友爽約.  對我而言, 以上種種原因都不是, 我就是喜愛獨自一人飲茶. 可是上到茶樓, 知客一問將幾位, 我舉起手指一人, 她們就用好無奈的眼神, 說要搭枱, 一係就叫我自己入去搵位. 如有吉枱, 樓面們不許我坐, 說要留給2個或4個人坐. 他們叫我搭呢張果張, 有的我未坐, 在坐的人表情已表示唔喜歡, 我就唔會坐果張. 有的一個阿伯, 阿婆, 我睇情況, 若他們表現和善, 我都會坐. 有的公公婆婆好好人, 同枱有傾有講, 有的單身女人, 同枱都有偈傾. 但我喜歡一個人飲茶, 係想自己靜享食物, 隨而睇下書, 處理一下自己的事, 不是想應酬別人. 一個人飲茶, 本來就是極美好的事, 為何會被岐視?