新手媽咪應該點樣幫BB揀Baby Playpen？
作為一個新手媽咪，好多野緊係要由頭學期，BB開始爬行、扶站、學走路時，擔心佢哋安全，好多媽咪會選擇圍欄同地墊。
香港地屋企空間有限，好多時候好難搵到適合SIZE嘅版本圍欄。
嬰兒圍欄的種類
香港市面上有幾種常見的嬰兒圍欄材質，每種都有自己的特色。這次就同大家分享一下每種圍欄的優缺點，幫大家選擇最適合自己家居環境的款式。
BB圍欄有好多名，例如寶寶圍欄、遊戲圍欄、甚至寶寶屋、遊戲城堡都係屬於Baby Playpen的一種。
塑膠製嬰兒圍欄
塑膠製的嬰兒圍欄因為輕便易清潔，在香港很受歡迎。圍欄係由一定數量的膠片坎接而成，所以可以自由組合砌成唔同嘅Size，就算屋企地方唔大都好，都比較容易搵到適合嘅Size。
呢種材質嘅圍欄，顏色選擇好多，小清新、鮮艷嘅都有，可以吸引到寶寶的注意力。不過媽媽們要特別留意材質，確保是無毒無害的。
因為塑膠製圍欄的品牌眾多，尺寸也有分別，如果要配地墊的話，最好一齊購買同一品牌，尤其是韓國品牌，咁樣就唔會因為尺寸唔合而影響使用。
實木製嬰兒圍欄
實木圍欄係比較耐用，質感也好，但係就比較重，不容易移動。
由於香港屋企空間有限，如果打算固定一個位置長期使用，實木圍欄係一個唔錯的選擇。要注意嘅係香港天氣潮濕，實木需要做好防潮保養，不過勝在以木為材料天然無毒。
但係Size嘅選擇就唔一定多了，建議可以先計劃好屋企可以擺放嘅空間再選擇。
網布製嬰兒圍欄
網布製嘅圍欄輕便又透氣，特別適合香港嘅夏天。不過這種圍欄的布料比較有彈性，當BB力氣變大，可能會推倒圍欄，所以使用時要確保它的穩定性。
同時它容易收納，對於空間有限的家庭來講都係好實用。
寶寶屋/遊戲城堡
如果你嘅寶寶正係學爬行、站立、走路，地墊一體成型嘅寶寶屋可能會係你嘅不二之選。寶寶屋的英文係Baby Bumper，這種設計多功能，可以靈活使用和移動。不過，隨著寶寶成長，這類圍欄的穩固性可能會唔夠，如果擔心寶寶太活躍，可以考慮再加購塑膠圍欄來增加安全性。
香港市場上有不少韓國品牌嘅寶寶屋，像CARAZ、PARKLON這些都好受歡迎。
最後的小貼士
購買之前，記得一定要度好屋企可以擺放嘅空間，再選擇。
如果有考慮購買地墊或日後加購地墊，不妨可以成SET購買，咁樣可以減少地墊同圍欄match唔到嘅問題，同埋平好多！