星*座

*不分先后，纯粹个人感觉 *

摩羯/山羊座

身边好多人都系山羊座，但系我觉得12月同1月份嘅羊真系唔同。

12月：担心嘅事比1月份出世嘅羊更多，有时会极度焦虑，事情未发生前已经会作出最坏打算/ 亦有可能因此令身边嘅人都会紧张。

如果你态度强硬，最初12月嘅羊会表示信任，但之后会继续以其立场尝试说服你/ 直到你一而再，再而三表明决心，12月山羊可能会再次表明观点→最后选择相信对方。

1月：可能因为踏入深冬，我总系比人一种冷若冰霜嘅感觉… 1月份山羊普遍第一印象都系比较严肃，有机会真系自我防御机制作崇，好似难以接近，实际渴望被受认同。

对于生活，其实山羊座真系可以好用心。渴望稳定，希望可以稳住局面/ 唔介意重复有规律嘅生活模式，内心想法同计划可以好多→希望能稳中求变。

金牛座

由于我身边唔算太多金牛座朋友，感受到嘅无咁深入。

对于生活，金牛座女性可以因为工作上不快而怒火中烧，向家人表露无遗/ 对未能表示理解嘅人，女性金牛可以话走就走。

当认定一个人后，你希望对方可以融入家中，大家有讲有笑，就好似朋友一样。

******************************* ************************

双子座

其实我知道你好想有人同你倾计。

你清楚自己喺咩环境要点做，只系突如其来嘅生活变化同你本身嘅期望有落差，而你选择砍掉重练。

多面向或者会令你变得更加敏感，对于他人话语、肢体语言甚至系步伐作出双重反应→造成某种程度上未能扭转嘅局面。

天秤座

我好想知系咪多数天秤座都比较乐观？

不过我认为你选择嘅生活方式反映到你所追求嘅平衡，你有你把尺。系，系攰啲，但我知道你会去试，开头系辛苦啲，我相信到最后你一定会得到你心中所想。我讲真。

水瓶座

为咗爱，你可以去到几尽？

疫情前后，我觉得大家都好似爱得死去活来。

除咗担心自己同身边人健康，更重要系大家份初心仍然存在吗？曾经无数次嘅羁绊同挽留，引证一幕幕撼动人心嘅光景。祝福你，继续守护住呢份情。

********************* ********* ********************** **

射手座

辛苦你。为咗家庭，你搏到尽。为咗兄弟，你在所不惜。为咗生活，你挨坏身体。希望你感到真正快乐，多谢你。

虽然大家真正交心嘅时间唔多，最记得系你毫不吝啬赞赏身边嘅人，其实一句说话真系可以令人开心一整日。

狮子座

你好meow?

中学毕业之后，我哋就好似无再见过。记得以前会喺你屋企平台打排球，第一次同你一齐用银色眼线笔+橙粉色唇彩，张贴纸相仲喺度吗？

多谢你同你屋企人当时招呼埋我一齐食饭，你仲记得你嚟我屋企，我帮你夹咗把秀发，之后一齐去谢师宴吗？话咁快就12年，我条裙仲喺度，你呢？

                                                    ***