Part -time Tutor 感想

感恩於80年代讀小學，只需返上午校。自從去年做part time tutor開始，間中從學生口中得知，現在小學生除了返全日，仲要學彈琴，游水，繪畫，奧數等；更有人被家長要求溫習到凌晨一點。那次我忍不住同接佢放學的爺爺講：太夜瞓都影響第日返學；而且返全日制只有小息和運動堂先有得休息下，佢好醒目唔洗迫佢迫得咁緊。
真係怪獸家長一大堆。
應該從小朋友身上發掘他的強項，集中在強項的鍛鍊。神造每個人都有他的恩賜才幹。
己所不欲，勿施於人。個家長自己細個的時候，被人咁樣迫學呢樣果樣都唔得啦…這樣的學習生活唔balance。
在學校見到的小朋友問題，基本上可能是原生家庭產生的問題反射。例如：小朋友成日要師長留意attention seeking，是因為缺乏家長的關心，因此要向外尋；又例如在怪獸家長管理下，被迫在家溫習到深夜，因此在功課輔導班唔想做功課；或做完功課，亦不想拿起本書。亦有些小朋友有情緒問題來自遺傳，只好靠學校輔導老師協助。