遠離煩囂，藉以短假期淺遊曼谷，洗滌心靈

近日以三日兩夜旅遊模式，嘗試在曼谷過最美好的每一天🥹曼谷旅遊十分適合經常處於高壓力工作人士，是一個短時間逃離煩囂的旅遊地點。 

曼谷集平靚正於一身，係好多香港人短假期必去嘅地方，有人甚至會稱呼為返鄉下，可想而知香港人去曼谷遊玩嘅密集程度，廢話唔多講喇，嚟緊會介紹下好適合情侶去嘅餐廳同酒店。 

考慮到情侶之間，男方會著重價錢，女方會著重打卡，咁就啱喇 

Bubble in the Forest Cafe 係你地必去嘅選擇👍
由曼谷市中心坐Grab去，大概一小時，費用約400泰珠單程，唔洗逼鐵路又有位坐，順便補下眠，絕對值得坐！ 

餐廳每一個菜式大概2-300泰珠，可以話係街邊檔價錢，高級餐廳嘅享受，當呢條公式出現嘅時候，即係等於有人龍嘅出現，所以大家可以運用網絡預定，例如用Line 與餐廳訂枱，又或者想方便啲又唔介意貴少少就可以係Trip 預訂，操作十分簡單，唔洗walk in排隊排餐懵，女方心情又好啲，又顯得男方細心嘅一面，有陣時旅行就係呢啲細節位更加認識大家，提升感情。
喺呢間餐廳你會見到大家嘅目標好一致，就係瘋狂打卡...............，甚至忽略用膳（對食物零尊），但唔怪得人嘅，蔚藍嘅天空，萬里無雲，加上水池加入咗藍色嘅魔法，無論點影都好似仙女咁靚，完成唔洗考慮燈光設定，零思考去影相就可以影到合格嘅相片交功課。 

住宿方面，我會介紹一間叫（曼谷素坤逸路55號格蘭德中心點酒店），呢間酒店門口會有迎賓飲品自取，酷熱天氣之下消暑解渴。分派好房間後，酒店房內空間感十足，還送bar枱零食飲料，雖然零食價錢不是高昂，但很有貴賓待遇。 

酒店內置有Let's relax 設在5樓，可以在大堂預約按摩，按摩套餐連浸溫泉，可以讓客人放鬆到極致。
酒店都有泳池同健身房，大家有時間都可以去體驗下。