Pmax最高成效你用咗未？傳聞2025取代所有Google Ads的廣告
而家數碼營銷技術進步得好快，企業都搵緊啲更智能、更高效嘅廣告方案。
Google喺2021年推出嘅最高成效廣告（Performance Max），簡稱Pmax，就係為咗滿足呢個需求。呢種廣告利用機器學習同AI技術自動組合素材，搭配唔同嘅廣告類型，喺最佳位置展示廣告。本文會深入解析Pmax嘅運作原理、優勢同使用策略，幫助企業更好咁利用呢個強大嘅廣告工具。
最高成效廣告（Performance Max）未聽過？
最高成效廣告（Performance Max），係Google推出嘅一種高度智能化嘅廣告類型。Pmax利用機器學習同AI技術，根據廣告主提供嘅轉換目標同素材，自動生成最佳嘅廣告組合，並選擇最適合嘅廣告平台進行投放。簡單嚟講，你只需要告訴Google你嘅轉換目標，提供素材同資訊，系統就會自動為你做哂所有嘢，幫你搵到轉換。
Pmax嘅運作原理
Pmax嘅核心係其強大嘅機器學習同AI技術。當廣告主提供轉換目標同相關素材後，Google系統會自動結合唔同嘅素材，生成最佳嘅廣告組合，並選擇適合嘅廣告平台投放，呢啲平台包括搜尋引擎、GDN、YouTube廣告、Gmail廣告同購物廣告等。咁樣，Pmax可以實現全方位嘅廣告覆蓋，達到最佳嘅廣告效果。
Pmax基本上涵蓋哂所有嘅廣告類型，呢個就係點解有傳聞話2025年會取代所有Google廣告類型嘅原因。
為乜要揀Pmax？
Pmax被認為係目前Google Ads中最強大嘅廣告活動，特別適合希望獲得更多轉換嘅廣告主。其最大嘅優勢係其高度智能化同自動化，能夠大幅降低廣告主嘅時間同精力投入。
雖然Pmax已經取消咗過去30天需要30組轉換數據先至用得，但建議喺帳戶有足夠嘅轉換數據之後再用，咁樣Google嘅系統就可以更好咁理解並達成你嘅轉換目標。
使用Pmax嘅策略
利用Pmax進行廣告投放，需要考慮以下幾個關鍵步驟：
- 設置明確嘅轉換目標，例如提升網站訪問量、增加銷售或者提高應用下載量。
- 提供高質量嘅素材，包括圖片、文字同影片，增加系統喺自動組合時嘅靈活性，咁樣可以提升廣告效果。
- 定期觀察Pmax嘅廣告報表，了解哪些素材同策略最為有效，並進行持續優化。
Pmax嘅優勢同挑戰
Pmax嘅主要優勢係其自動化同智能化，能夠幫廣告主節省大量時間同資源，同時利用Google嘅數據同技術達到最佳嘅廣告效果。然而，呢種高度自動化也意味廣告主對廣告活動嘅控制力相對減少，所以需要依賴Google嘅算法去實現目標。廣告主應該喺提供素材同設定目標嘅時候盡量詳細同精確，以確保廣告效果最佳。
要提升自動化，數據係關鍵。所以，Pmax並非建議一開始就使用嘅廣告類型。
如果想睇YouTube嘅教學影片，可以參考呢個：
超簡單行銷：（不過係國語嘅~有字幕）
結論
如果你嘅廣告賬戶已經有累積轉換數據，不妨今日就開始使用Pmax，感受一下AI同機器學習嘅為例，由Google幫你搵到更多嘅conversions！
如果你廣告賬戶嘅轉換數據唔多，或者你開始用Google ads無幾耐？不妨參考一下以下嘅文章，教你如何收集足夠嘅數據俾Google！