【环保L 少胶事】

终于发现Green Monster 史力加朋友，可以围下炉，希望佢识睇中文。

去街市买𩠌，无论是同阿妈、家姐、真遮遮，定系自己独行，街市大叔阿姐都会同我讲 'Good Morning!' 当我系遮遮，其实我都冇咩所谓，（尤其试过喺泰国有本地人会用泰文问我路，就知我咩嘢料啦！何况遮遮而家系少数被高身挖角嘅行业。）但当我一使出撒手镧「裸买餐盒」就 KO咗佢哋。在我区街市族群眼中，环保 tote bag 好平常，但餐盒几乎同「烦」字挂勾，我都尽量等其他人买先，自己压轴，自己冚盖，希望将「茶煲」减至最低，尽量唔阻人揾食，好彩部分阿姐大叔都明白事理， 咁当然有人会藐爆啦！

老老豆豆，买豆腐、凉粉和肠粉呢类食物，用盒好过用胶袋，街市用胶袋都唔系食用级袋， 买一餐𩠌用十个袋，再加泛滥嘅生果网，全部都用唔够15分钟，但就遗臭千年，当见到𠮶啲湿𣲷𣲷嘅袋，一幕幕满肚胶袋嘅鲸鱼，同埋

被穿「饮筒鼻环」嘅海龟

影像，就即时喺我脑海度转呀转。

喺家人同本地朋友眼中，我唔否认我系环保L，但其实喺外籍朋友眼中，都只系小巫见大巫，未见过大蛇 wee wee。我一心只谂 :「 唔好怕丑怕麻烦，做得几多就几多， 耳濡目染。」

#最怕见到商场雨遮袋阵
#隔离个垃圾桶胶袋满到泻周围飞
#跣亲阿婆点算
#可摸耳BYOB啫
#大家喺商场washroom掹得好起劲嘅抹手纸其实唔易分解又回收唔到
#环保 #BYOB #裸买好过攞胆 #泛滥生果网 #环保L