食評《豬潤麵》

  係好耐之前我睇過一個節目，節目裏面的嘉賓介紹深水埗的一個茶檔嘅豬潤麵，當時佢講到有幾好味，但一直對這個食材不感興趣嘅我睇到都不禁想到茶餐廳有這個食物咩？我似乎無係餐牌見過，有機會去這個地方我都試試。

  之後我因為工作關係要到這邊揾布料，就想起這個食物於是去一試，在我記憶裏這個麵係一般的即食麵加上豬潤一齊煮，但印象出嚟嘅味道好似有少少豬潤的血腥味，所以之後我都無再食了。

  在荃灣區很多茶餐廳及冰室的餐牌上我都真係無見過有豬潤麵，直到早五六年前係一間粥麵茶餐廳比我見到有，所以我就再食了一次，這次感覺不錯，豬潤够爽滑又沒有腥味，感覺比之前食過的好了，所以都有再食。

  今日我去到一間冰室，餐牌上有一個《 枸杞子豬潤麵》就叫了來食，嗯…好味喎！麵係一般茶記用的即食麵，但湯底就飲到有枸杞及枸杞子嘅味道，另外佢用了薑來去除豬潤的血腥味，豬潤咬落唔硬不錯！這個係常餐的其中一款，所以除了一碗麵外還有一份炒蛋及一塊丹麥多士，再加上一杯飲品，對我嚟講足夠飽餐有餘，大家喜歡這個食物的可以一試，但要留意係這間冰室的凍飲偏甜，如果不喜歡甜食的人記得要少甜呀！

P.S: 以上全是個人感受跟店舖無關！