你有北上吗？

  北上消费／旅游系今时今日好多香港人嘅消闲活动，早在五 六年前我都有跟同事一齐上去渡周末假期，当年感觉新鲜、新奇，深圳巳经发展到这样五光十色现代化，唔再系十几年前暗暗沉沉了！ 系商场行街食饭，去卡拉OK唱歌，去足浴店按摩等都不用太多钱，所以当年都巳经唔少香港人会上去玩，系街上行都唔难见到香港人。

  这几年因为疫情关系人人都被迫留港，直到情况好咗，关口开通返，个个就急不及待咁外游或北上，直至今个复活节及清明节长假，北上人士之多被喻为《香港春运》，假期第一天大清早就巳经迫满晒人系各关口同车站，系新闻见到有人因为等得太长时间都未可以入到出境大堂而不快折返。

  电视节目访问北上嘅市民，个个上去消费嘅原因都离不开上面消费比香港平好多，多地方行……，但国内消费系咪真系你哋讲得咁平呢？   就已一杯珍珠奶茶嚟讲，系一啲有少许名声的门市都要约廿三十蚊？！对返港元可能都系差十元八块，又好似去某大超市咁，好多货品都系大大份，但系咪真系好食好用？！如果买咗返嚟唔啱用咪又系浪费～  其实有无人谂过每逢周末长假人人都返晒国内消费，香港再无人外出食饭行街消费，舖头就无生意，跟随就交唔起贵贵嘅租金，然后就要关闭，员工当然就失业啦！完全系一个恶性循环！！而且次次都迫上迫落唔攰咩？自问我就唔喜欢咁样迫来迫去嘅方式长途跋涉去玩一两日吧。