你有北上嗎？

  北上消費／旅遊係今時今日好多香港人嘅消閒活動，早在五 六年前我都有跟同事一齊上去渡週末假期，當年感覺新鮮、新奇，深圳巳經發展到這樣五光十色現代化，唔再係十幾年前暗暗沉沉了！ 係商場行街食飯，去卡拉OK唱歌，去足浴店按摩等都不用太多錢，所以當年都巳經唔少香港人會上去玩，係街上行都唔難見到香港人。

  這幾年因為疫情關係人人都被迫留港，直到情況好咗，關口開通返，個個就急不及待咁外遊或北上，直至今個復活節及清明節長假，北上人士之多被喻為《香港春運》，假期第一天大清早就巳經迫滿晒人係各關口同車站，係新聞見到有人因為等得太長時間都未可以入到出境大堂而不快折返。

  電視節目訪問北上嘅市民，個個上去消費嘅原因都離不開上面消費比香港平好多，多地方行……，但國內消費係咪真係你哋講得咁平呢？   就已一杯珍珠奶茶嚟講，係一啲有少許名聲的門市都要約廿三十蚊？！對返港元可能都係差十元八塊，又好似去某大超市咁，好多貨品都係大大份，但係咪真係好食好用？！如果買咗返嚟唔啱用咪又係浪費～  其實有無人諗過每逢週末長假人人都返晒國內消費，香港再無人外出食飯行街消費，舖頭就無生意，跟隨就交唔起貴貴嘅租金，然後就要關閉，員工當然就失業啦！完全係一個惡性循環！！而且次次都迫上迫落唔攰咩？自問我就唔喜歡咁樣迫來迫去嘅方式長途跋涉去玩一兩日吧。