解救年后饮食

早安午安晚安，大家好！

农历新年大家有冇食得尽兴？大鱼大肉过后想食返清淡 d ,咁就啱晒啦，今日打算分享3道营养丰富嘅好料理，希望大家会钟意 la 😊

(1) 好味嘅彩虹蔬食拼盘

hehe 系私心最钟意嘅蔬菜食法 🤭。做冻 salad, 温 Salad 都冇问题👍🏻 材料有羽衣甘蓝，红萝卜，三色椒，蕃茄，毛豆 同 各种坚果。望落就色彩缤纷，纤维十足，植化素同抗养化物满分，食落肚仲唔肠胃舒畅，肌肤容光焕发，白里透红，神彩飞扬抗衰老咩？毛豆嘅蛋白质都非常丰富，坚果高蛋白质之余仲有丰富嘅不饱和脂肪酸 (omega3 & omega 6)，对大脑同对抗身体发炎有益处 ga ,绝对系优质油脂黎 👍🏻但系大家都要适量食，每日大概 1-2 手心份量就足够 la， 食过量都系会肥 ga 🤣😂 睇落去冇酱点食得落 ar 🧐🤨 哈，其实𠮶蕃茄内有圪坤，一早就已经整熟咗，一叉子落去即刻有酸酸甜甜嘅蕃茄酱配 salad 🥗 Juicy 得黎又开胃，真心推荐好好食 😆😋🤤

(2) 凉拌陈醋麻油粉丝手撕鸡

呢个绝对系减脂人士嘅好𩠌，卖相好睇之余又好食。西兰花仲系 super food, 系抗炎抗癌抗衰老通肠道嘅好帮手。鸡胸肉唔驶讲就系低脂高蛋白，减脂人士嘅好帮手。加 d 红萝卜青瓜片落粉丝到可以增加膳食纤维同口感😊 适量陈醋麻油调味可以减少盐同豉油份量，仲有丝丝麻油香气，大人细路都啱食 😆 鸡肉撕成一丝丝，牙口较弱嘅老人细路都比较容易食，鸡胸肉可转为鸡腿肉，口感更软，手撕后更易入口。

(3) 蒸鲭鱼 🐟

唔知道大家知唔知，其实鲭鱼嘅 omega3 (DHA , EPA ) 媲美 三文鱼。重点系 鲭鱼平过三文鱼好多！omega3 不饱和脂肪酸有抗炎症嘅做用，对大脑同心血管健康亦有益处。omega3可以降低LDL (Low density lipoprotein) 低密度胆固醇 并增加 HDL (High density lipoprotein) 高密度胆固醇，有助降低患有心血管疾病嘅机率并有助控制高血脂。仲有仲有，呢 d 鱼油丰富嘅鱼类 (eg. 三文鱼，鲭鱼，鳗鱼）都有好丰富 ga 维生素 D ，对维持骨质有好处，尤其系对老人及更年期过后的妇女，其患有骨质疏松嘅机率会提高。年老导致嘅行动力减弱，长期停留于室内人士，油鱼 (oily fish) 系除咗晒太阳之外能够获得维生素 D 嘅好途径。每日大概晒 15 min 太阳就足够产生足量嘅维生素 D 供身体使用。

其实蒸鲭鱼比起烧鲭鱼别有一番风味，加入辛香料(姜葱蒜洋葱辣椒豆瓣酱陈皮）可以去腥味，整出黎都好好食🥰

希望大家都喜欢前上嘅分享。祝大家新一年身体健康如意吉祥鸿运当头出入平安步步高升学业进步福如东海寿比南山 🥳🧨🎉🎊