解救年後飲食

早安午安晚安，大家好！

農曆新年大家有冇食得盡興？大魚大肉過後想食返清淡 d ,咁就啱曬啦，今日打算分享3道營養豐富嘅好料理，希望大家會鐘意 la 😊

(1) 好味嘅彩虹蔬食拼盤

hehe 係私心最鐘意嘅蔬菜食法 🤭。做凍 salad, 温 Salad 都冇問題👍🏻 材料有羽衣甘藍，紅蘿蔔，三色椒，蕃茄，毛豆 同 各種堅果。望落就色彩繽紛，纖維十足，植化素同抗養化物滿分，食落肚仲唔腸胃舒暢，肌膚容光煥發，白裏透紅，神彩飛揚抗衰老咩？毛豆嘅蛋白質都非常豐富，堅果高蛋白質之餘仲有豐富嘅不飽和脂肪酸 (omega3 & omega 6)，對大腦同對抗身體發炎有益處 ga ,絕對係優質油脂黎 👍🏻但係大家都要適量食，每日大概 1-2 手心份量就足夠 la， 食過量都係會肥 ga 🤣😂 睇落去冇醬點食得落 ar 🧐🤨 哈，其實嗰蕃茄內有圪坤，一早就已經整熟咗，一叉子落去即刻有酸酸甜甜嘅蕃茄醬配 salad 🥗 Juicy 得黎又開胃，真心推薦好好食 😆😋🤤

(2) 涼拌陳醋麻油粉絲手撕雞

呢個絕對係減脂人士嘅好餸，賣相好睇之餘又好食。西蘭花仲係 super food, 係抗炎抗癌抗衰老通腸道嘅好幫手。雞胸肉唔駛講就係低脂高蛋白，減脂人士嘅好幫手。加 d 紅蘿蔔青瓜片落粉絲到可以增加膳食纖維同口感😊 適量陳醋麻油調味可以減少鹽同豉油份量，仲有絲絲麻油香氣，大人細路都啱食 😆 雞肉撕成一絲絲，牙口較弱嘅老人細路都比較容易食，雞胸肉可轉為雞腿肉，口感更軟，手撕後更易入口。

(3) 蒸鯖魚 🐟

唔知道大家知唔知，其實鯖魚嘅 omega3 (DHA , EPA ) 媲美 三文魚。重點係 鯖魚平過三文魚好多！omega3 不飽和脂肪酸有抗炎症嘅做用，對大腦同心血管健康亦有益處。omega3可以降低LDL (Low density lipoprotein) 低密度膽固醇 並增加 HDL (High density lipoprotein) 高密度膽固醇，有助降低患有心血管疾病嘅機率並有助控制高血脂。仲有仲有，呢 d 魚油豐富嘅魚類 (eg. 三文魚，鯖魚，鰻魚）都有好豐富 ga 維生素 D ，對維持骨質有好處，尤其係對老人及更年期過後的婦女，其患有骨質疏鬆嘅機率會提高。年老導致嘅行動力減弱，長期停留於室內人士，油魚 (oily fish) 係除咗曬太陽之外能夠獲得維生素 D 嘅好途徑。每日大概曬 15 min 太陽就足夠產生足量嘅維生素 D 供身體使用。

其實蒸鯖魚比起燒鯖魚別有一番風味，加入辛香料(薑葱蒜洋蔥辣椒豆瓣醬陳皮）可以去腥味，整出黎都好好食🥰

希望大家都喜歡前上嘅分享。祝大家新一年身體健康如意吉祥鴻運當頭出入平安步步高升學業進步福如東海壽比南山 🥳🧨🎉🎊