「時光」 倒流 歡欣族

「時光」 倒流 歡欣族

一提起「社企」第一印象是：救助機構、低端人口活動中心。但昨晚應一位粉絲邀請到太古城基利路的Gingko Moment 法式餐廳晚餐，有駐場樂隊「昨日之星」（前恒生銀行高層）演奏。

曾太：「呢度成班都係恆生退休一族，一齊嚟玩下無咁易老，唱緊歌個位已經85 歲 係我哋以前銀行阿頭。」「銀」光閃閃，座無虛席，由上至下大都是銀髪一族。

我點了一份香草蝦球意粉🍝$170，出乎意料之外，賣相及味道比美五星級酒店。原來主理的經理是前酒店餐廳的一哥，退休後再「翻閹」主持這家「社企」餐廳，他要打造成非一般的「絲襪奶茶、兩餸飯」形式？而係一家五星級的法式餐廳，更有樂隊演奏，邊吃邊聽歌，簡直係雙重享受！

一首Casablanca 把我們帶回去九十年代的：旺角仙樂都餐廳及尖沙咀的Bar city 一樣，「風的季節」每一首都是昔日的音符。在座除了遇上好幾位fans外，結他手竟然也是疫情期間參加過我團的粉絲問：

「阿君最近有什麼團好玩？」

「沙頭角！」

「哎喲 好呀，我都想去。自從開放咗之後，我們每逢星期五都在此演湊。有時又要飛去英國睇吓個孫，所以少咗跟你去玩，下次預埋我。」

我非常之感動。唔單止呀，我想打算搞的一天遊然後到來晚餐享受法國菜聽聽歌，嘻嘻哈哈，「老友記」們重拾昔日的「光輝歲月」。

一班「銀髪一族」簡直忘卻了「時光」…………

這就是社企「銀杏館」屬下的一間：「銀杏時光」 Ginkgo Moment ！