记-原神之旅-2

唔知你哋对呢间公司有咩印象，我估都系做出原神嘅公司，至此而终，但我觉得佢哋系坚值得尊敬嘅公司，而非至此。

系大陆手游两巨头，腾讯同网易称霸嘅「抄袭」时代，手机游戏界就真系得怪弹同神魔一众大热嘅「外国势力」称得上可以玩。当然，佢哋系唔错，几符合当时嘅需求。但崩坏3rd出现于大众视野时，真系准备变天啦。

其实崩坏3rd并非米哈游嘅首作，而系当时类flash(眼泪嘅7k7k同4399)嘅崩坏学园。我冇玩过，但可以话系带嚟米哈游嘅第一批粉丝同收入嘅出道作。发家后，向同世界观崩坏系列发展，而第三作即崩3就令佢哋储齐技术向原神发展。

我知道，原神画面唔算精致，老头环好佢多多声，但奇妙在佢免费同时系二次元同类游戏中，人物郁得最自然。而公测初期一大堆风波排山倒海咁嚟，抄袭，私隐同政治都有。但历时过两年嘅制作都成功带起热潮，甚至冇炎上，原神都冇咁红。

第一次行系咁有代入感嘅山谷，符合想像嘅蒙德城，见到特瓦林嘅设计，其实已经有迷上咗佢。而随Lv提升，主线任务中完成一切后嘅𠮶句，「被自由之神命令嘅自由，是否真正嘅自由？」第一次令我对佢嘅剧情产生兴趣，甚至回味至今亦仍有回甘。

而面对住原神嘅大陆双巨头，仍至全世界都开始做更多开放世界，但我认为系手机平台之上，无一敌手。而我认为原神带出更重要嘅意义，系将「用心做游戏，质量自会带嚟钱同口碑」嘅道理摆返系一众厂商嘅面前。(塞尔达同原神系坚有分别，只系部分界面同常设视觉特效会相似)

而米哈游亦冇揽住原神过成世，唔止对崩坏呢个起家世界拓展落去，更再开新嘅《绝区：零》去努力实现宅男拯救世界嘅愿望。好过王者一直卖皮肤，其他继续抄袭嘅腾讯。

最后，我都想推坑大家接触下原神。系蒙德嘅自由气息，璃月拥有嘅独有文化认同，鹤观及稻妻历史带出嘅无力感，都好值得大家去接触，更唔好话跟住嘅智慧国度须弥，绝对公平嘅枫丹，战斗主义纳塔同至冬呢𠮶愚者之国，有嘅故事点都只会带出更多味道，更加耐人寻味。

write in 29/5/2022