英國APRAMO FLIPPA可摺餐椅

中由於想大少飲多啲奶，所以等到大少6個月先真正開始加固。我係新手媽媽，好多事都會詢問其他媽媽意見。bb出世前，身邊好多媽媽都推薦combi high chair，原因1.初生可以當床瞓，2.要做家務時可以扣住bb，3.加固時，用作餐椅食飯。放事就決定買combi,

當大少出世後，發現combi 唔適合大少。1.combi 太硬跟本唔可以當床用，2.combi太大好佔空間，3.夏天用係非常之熱，4.好主要原因，大少唔鍾意，每次坐上去都扭計。

於是就幫大少換high chair，有諗過轉用Stokke，但太大屋企無位放，價錢又唔平，身邊媽媽未試過用其他high chair，唯有上網search，睇下其他媽媽介紹同評論。原本自己睇中咗feed me，但好香好少代購，又唔多評論。最後就買咗好多人推薦嘅APROMA FLIPPA嘅餐椅。

APROMA FLIPPA 賣點係輕巧，容易帶出街，同埋容易清理。有坐墊同袋附送。所以決定買APROMA

一開始用都幾好，大少都鍾意。用落都有少少缺點，我都明白無嘢係完美嘅。

1.椅腳位有個空隙，大少啲腳趾成日攝咗入去，尼個都可以解決到，只要拆晒四隻調教腳就得。

2.不便於帶出街，APROMA本身有重量，加上平時帶bb出街已經帶好多嘢，除非有私家車，否則都唔會帶。

3.安全帶不安全，即使扣咗安全帶，大少都好易企咗起身，其實都幾危險。

APROMA 無網上嘅媽媽講到咁好，但成體都還可以接受，起碼大少會乖乖坐喺度食飯。