《解忧杂货店》观剧与延伸想法

        因为朋友钟意睇舞台剧，于是直觉猫一齐买飞同朋友去睇中英剧团嘅《解忧杂货店》🎊（原作系东野圭吾嘅同名作品）。

        自己无睇过小说，戏剧由一开始已经好催泪（同时由于泪腺异常发达😂）。唔同嘅片段，例如：恋人无办法一齐、音乐家现实与理想间出现冲突、几个不良少年抢劫逃亡等等，都透过一间解忧杂货店串连起黎。

        剧中演员好投入，大家带著热情演出，令人感受到中英剧团嘅活力 🏃🏻‍♀️🏃留意到好多观众特别钟意一举手一投足都抢眼嘅小朋友演员，总会因为小朋友一些举动而会心微笑或小声欢呼。而我自己就特别钟意做解忧伯伯嘅演员—老戏骨，角色入血 ⭐️

        本身钟意睇各式各样故事，而呢个《解忧杂货店》都好睇，充满动感，充斥住时间跳跃，最后再将所有野集结一齐收尾。故事比人一个「睇淡啲」嘅讯息：人生中，悲剧或者时时上演，但有d悲剧或牺牲会成就到别人，概念同《奇异博士》相近。

        解忧杂货店老板会间唔中怀疑自己：比人嘅建议会唔会误导左人地？系咪因为佢讲嘅嘢，所以对方行左一条太难行甚至痛苦嘅道路？ 

        其实，未来系唔确定嘅，大家都系凭当时累积落黎嘅资讯经验做决定，每个人都会有佢自己觉得最适合嘅选择。况且，旁人认为个决定错、唔够好，唔代表当事人都系咁样认为；而有时短期内觉得唔好嘅选择，拉长时间嘅河流后，可能先系最佳选择。

        睇完套剧，曾经参加过舍言阁活动嘅呢位朋友指出，舍言阁做嘅嘢其实好似《解忧杂货店》，直觉猫都同意。

         解忧伯伯透过读者来信💌，了解对方嘅问题，之后回信比对方并提出建议。而我地做创业倾计会，构建空间一齐分享倾计，brainstorm可行方案；或者透过舍言服务，了解对方个性同埋面对紧嘅问题，比贴切可行嘅建议同方向。

        曾经接触过一啲近代coaching以及类近课堂，佢地方针比较多倾向：问非主观引导嘅问题，将自主权交比client，等client自己比出方向同揾solution，重点系唔好误导人。

        扔返个波比client嘅模式，或者有部份人适合，但可能兜兜转转比较漫长，亦未必到核心。而更多client或者会一头雾水，因为响非主观引导下，太抽象同宏观嘅问题未能帮对方收窄思路，于是对方容易落入继续唔知道「自己要d咩、唔要d咩」嘅状况。

        记得精神科权威暨催眠专家Dr. Milton Erickson (下面简称Dr. ME) 其中一个案例系个client好惊入大厦。如果一直问好多抽象问题，个client应该都系讲点点点惊法、唔知道、唔知点好。

        但由于Dr. ME洞察力强，了解client惊怕且唔入大厦嘅背后原因其实系为左避免同女性接触以及约会。于是Dr. ME介入client生活，直接运用自己身边资源，令client就算响好惊情况下都同到个靓女一齐食饭（当中好多巧思妙计）。最终，client可以入去唔同大厦食饭吹水，过返正常生活。呢个案例反映返，洞察力响解决问题上占有重要嘅一席位。

        而舍言阁嘅方针正正系洞悉难题嘅核心，帮助client跳出原有框框，建议或协助对方点行适合嘅路。

        有啲个案系可以快速解决，有啲则要耐d时间。难题嘅难度、环境因素、当事人状况、当事人想相信嘅信念等等，都影响到解难速度（呃，写到最后变了业配文，有需要就找我们吧😂）

        （讲到好远好远，大家有机会可以睇下中英剧团嘅舞台剧，感受佢地嘅热情，欣赏好表演～～🥹）

        在此祝愿大家嘅洞察力逐步提升，响解决自己同人地嘅难题时，都越发游刃有余⭐️