《解憂雜貨店》觀劇與延伸想法

        因為朋友鍾意睇舞台劇，於是直覺貓一齊買飛同朋友去睇中英劇團嘅《解憂雜貨店》🎊（原作係東野圭吾嘅同名作品）。

        自己無睇過小說，戲劇由一開始已經好催淚（同時由於淚腺異常發達😂）。唔同嘅片段，例如：戀人無辦法一齊、音樂家現實與理想間出現衝突、幾個不良少年搶劫逃亡等等，都透過一間解憂雜貨店串連起黎。

        劇中演員好投入，大家帶著熱情演出，令人感受到中英劇團嘅活力 🏃🏻‍♀️🏃留意到好多觀眾特別鍾意一舉手一投足都搶眼嘅小朋友演員，總會因爲小朋友一些舉動而會心微笑或小聲歡呼。而我自己就特別鍾意做解憂伯伯嘅演員—老戲骨，角色入血 ⭐️

        本身鍾意睇各式各樣故事，而呢個《解憂雜貨店》都好睇，充滿動感，充斥住時間跳躍，最後再將所有野集結一齊收尾。故事比人一個「睇淡啲」嘅訊息：人生中，悲劇或者時時上演，但有d悲劇或犧牲會成就到別人，概念同《奇異博士》相近。

        解憂雜貨店老闆會間唔中懷疑自己：比人嘅建議會唔會誤導左人地？係咪因為佢講嘅嘢，所以對方行左一條太難行甚至痛苦嘅道路？ 

        其實，未來係唔確定嘅，大家都係憑當時累積落黎嘅資訊經驗做決定，每個人都會有佢自己覺得最適合嘅選擇。況且，旁人認為個決定錯、唔夠好，唔代表當事人都係咁樣認為；而有時短期內覺得唔好嘅選擇，拉長時間嘅河流後，可能先係最佳選擇。

        睇完套劇，曾經參加過捨言閣活動嘅呢位朋友指出，捨言閣做嘅嘢其實好似《解憂雜貨店》，直覺貓都同意。

         解憂伯伯透過讀者來信💌，了解對方嘅問題，之後回信比對方並提出建議。而我地做創業傾計會，構建空間一齊分享傾計，brainstorm可行方案；或者透過捨言服務，了解對方個性同埋面對緊嘅問題，比貼切可行嘅建議同方向。

        曾經接觸過一啲近代coaching以及類近課堂，佢地方針比較多傾向：問非主觀引導嘅問題，將自主權交比client，等client自己比出方向同搵solution，重點係唔好誤導人。

        扔返個波比client嘅模式，或者有部份人適合，但可能兜兜轉轉比較漫長，亦未必到核心。而更多client或者會一頭霧水，因為響非主觀引導下，太抽象同宏觀嘅問題未能幫對方收窄思路，於是對方容易落入繼續唔知道「自己要d咩、唔要d咩」嘅狀況。

        記得精神科權威暨催眠專家Dr. Milton Erickson (下面簡稱Dr. ME) 其中一個案例係個client好驚入大厦。如果一直問好多抽象問題，個client應該都係講點點點驚法、唔知道、唔知點好。

        但由於Dr. ME洞察力強，了解client驚怕且唔入大厦嘅背後原因其實係為左避免同女性接觸以及約會。於是Dr. ME介入client生活，直接運用自己身邊資源，令client就算響好驚情況下都同到個靚女一齊食飯（當中好多巧思妙計）。最終，client可以入去唔同大厦食飯吹水，過返正常生活。呢個案例反映返，洞察力響解決問題上佔有重要嘅一席位。

        而捨言閣嘅方針正正係洞悉難題嘅核心，幫助client跳出原有框框，建議或協助對方點行適合嘅路。

        有啲個案係可以快速解決，有啲則要耐d時間。難題嘅難度、環境因素、當事人狀況、當事人想相信嘅信念等等，都影響到解難速度（呃，寫到最後變了業配文，有需要就找我們吧😂）

        （講到好遠好遠，大家有機會可以睇下中英劇團嘅舞台劇，感受佢地嘅熱情，欣賞好表演～～🥹）

        在此祝願大家嘅洞察力逐步提升，響解決自己同人地嘅難題時，都越發游刃有餘⭐️