湿疹 eczema

大少三个月大时发现有湿疹，严重情况度医院认为要住院。在医院住了5日，这5日我无法睡觉。大少可能怕生，不愿意瞓生保床，唯有抱到佢熟睡先放佢上床，但一放床上佢就开始喊，抱起就收声继续瞓，跟本无法将佢放在床上。只有日抱夜抱，等佢瞓醒觉时放大少上床俾佢自己玩，我先可以休息下。

经历这痛苦的5日，我决定唔再俾大少住院。于是我就不断上网揾资料，又加入湿疹妈妈group，向有经验的妈妈取经。又买咗好多不同嘅润肤俾大少涂，又佢大少食益生菌，又做咗防敏测试，长辈建议冲中药都试过。总之就试咗好多方法，但情况都系反反复复，好返两三日又再出疹😞妈妈表示心很累。

润肤中少都试咗唔少牌子，有bxby QV, Cxtaphil, Cxlifornia baby, 施x, 双妹x, Avxxno, Babi Bxttanicals等等。好彩都俾我试到一个比较好嘅润肤膏，起码大少唔抗拒同皮肤痛少少改善。因为之前有啲润肤膏涂上面会好‘拿’，之后大少就好惊人整佢块面。

由于住院时，医生已经用类固醇，所以出咗院后都keep 住用。但有段时间用类固醇都无用，仲愈来愈严重。喺街度有啲好心嘅婆婆姨姨建议用中药冲凉，什么金银花、土银花、灵芝水、马屎觅。每次都抱住一丝希望去试，结果系无用，加上又停用类固醇，大少情况愈来愈差，见到大少咁辛苦，夜晚又瞓唔到，我好心罨同时又好内疚。点解我唔用脑去思考下，过滤下先试。

后来好好彩透过啲妈妈揾到个夹到大少嘅医生，三个月来，大少皮肤愈来愈好，虽然间中都会出少少疹，但皮肤好嘅情况就多咗。

人做妈妈真系会关心侧乱，经过今次教训真系要凡事都谂一谂，唔好下下听人讲，咁就可以避免大少受咁多苦，大少妈妈对你唔对，妈妈唔会再俾你受苦。希望大少只系小儿湿疹，大过就好返晒啦。