濕疹 eczema

大少三個月大時發現有濕疹，嚴重情況度醫院認為要住院。在醫院住了5日，這5日我無法睡覺。大少可能怕生，不願意瞓生保床，唯有抱到佢熟睡先放佢上床，但一放床上佢就開始喊，抱起就收聲繼續瞓，跟本無法將佢放在床上。只有日抱夜抱，等佢瞓醒覺時放大少上床俾佢自己玩，我先可以休息下。

經歷這痛苦的5日，我決定唔再俾大少住院。於是我就不斷上網搵資料，又加入濕疹媽媽group，向有經驗的媽媽取經。又買咗好多不同嘅潤膚俾大少塗，又佢大少食益生菌，又做咗防敏測試，長輩建議沖中藥都試過。總之就試咗好多方法，但情況都係反反覆覆，好返兩三日又再出疹😞媽媽表示心很累。

潤膚中少都試咗唔少牌子，有bxby QV, Cxtaphil, Cxlifornia baby, 施x, 雙妹x, Avxxno, Babi Bxttanicals等等。好彩都俾我試到一個比較好嘅潤膚膏，起碼大少唔抗拒同皮膚痛少少改善。因為之前有啲潤膚膏塗上面會好‘拿’，之後大少就好驚人整佢塊面。

由於住院時，醫生已經用類固醇，所以出咗院後都keep 住用。但有段時間用類固醇都無用，仲愈來愈嚴重。喺街度有啲好心嘅婆婆姨姨建議用中藥沖涼，什麼金銀花、土銀花、靈芝水、馬屎覓。每次都抱住一絲希望去試，結果係無用，加上又停用類固醇，大少情況愈來愈差，見到大少咁辛苦，夜晚又瞓唔到，我好心罨同時又好內疚。點解我唔用腦去思考下，過濾下先試。

後來好好彩透過啲媽媽搵到個夾到大少嘅醫生，三個月來，大少皮膚愈來愈好，雖然間中都會出少少疹，但皮膚好嘅情況就多咗。

人做媽媽真係會關心側亂，經過今次教訓真係要凡事都諗一諗，唔好下下聽人講，咁就可以避免大少受咁多苦，大少媽媽對你唔對，媽媽唔會再俾你受苦。希望大少只係小兒濕疹，大過就好返晒啦。