浅谈「光B现象」

温馨提示：以下文章以粤语表达，对文笔有要求既读者可以转睇其他文章，谢谢。

「条废老系度阻Q住晒。」

「推光B上去。」

「咁既歌词搅到成个乐坛cheap晒。」

「乜王生玩咁大，俾人闹自己公司系仆街都得。」

  最近某大电台投票竞逐最受欢迎男歌手，做成全城热话，光B既冒起，带俾香港人另类茶余饭后话题。今日就尝试探讨呢个系香港不时会出现既有趣现象。

一如过往，我并唔会对此现象的来龙去脉讲一片，只集中讨论出现此现象，所带出既社会「状况」。

通常出现这类「状况」，大多是两班不同网民，带住各自支持既意识形态同主张互相对抗，如果要打个比喻，就好似三国时期，刘备同曹操两大阵型玩PVP。而其中有趣既系，意识形态会出现互相并杀同吞并，支持同敌对者有时会不断转换阵型，当然，会有一班人抱住「食花生」既心态隔山观虎斗。最后既结局就系唔会有最后结局，除非引发意识形态既台风眼消失，如果唔系呢场对抗永远只会持续落去。

但系乜野原因，令人类乐此不疲咁玩呢个游戏呢？定只系一种单纯既娱乐？定有其他更深一层既原因，个人认为值得探讨落去。

首先如果读者唔清楚意识形态系乜，尝试概括各家说法既共通点系：想像、期望、价值既统合概念，唔需要有任何现实根据，但你可以清晰感觉到，系一份追求同远景，所以意识形态深受政治家既喜爱。

人类与生俱来对远景充满渴求，因为远景代表对未来一份连系：人与人之间既连系。已经有唔少科普研究证实我哋嘅大脑非常之渴求社交，长期社交孤立甚至会对大脑构成负面影响，所以话人类与生俱来就需要彼此之间联系也不为过，利用意识形态作为工具正系人与人之间互相连系既一种重要方式，所以我地钟意听八卦，钟意讲是非。

而意识既特性系彼此共融，但同时又可以彼此对立。唔明？举个简单例子，你可以钟意一个人嘅一个优点，但同时亦都可以因为呢个优点而讨厌佢。而亦就系因为呢个特性，所以人类嘅意识形态其实系不断咁转换，亦同时反映咗人与人既关系其实好脆弱，因为好少既问题就可以对一个人嘅观感产生变化。

而套用落「光B现象」就系大众对现今乐坛既质疑，亦可以话系老一辈人对现今世代年轻人既一种意识形态既宣战，但呢场挑机，最后胜利者会系光B，定系……就让我哋拭目以待。