台北垦丁八天游记
今次系我第三次去台湾旅行。
第一次婚后旅行；第一次呢个组合四人行；第一次睇到流星；第一次开通海外提款；第一次喺湖中wakeboard ；第一次纹身；第一次见到水豚；第一次著排湾族摄影。
以下兑换率1:4
DAY 1
去程机票用里数兑换
但以为另外两位朋友喺台北集合
所以兑换错咗机场地点喺台北桃园机场
多了一次乘坐高铁嘅经验
喺台北过一晚
高铁台北站到左营站HKD175@
HKD25 买咗悠游卡，增值HKD50
食咗路边卤肉饭 HKD15；羊肉羹 HKD17
猪肉、酱汁好丰富😋；羊肉味好浓🤤
DAY 2
由桃园机场到左营站 每人车费HKD175
呢日出发时间好早(大概7:30am)
附近早餐店都冇开门
所以都喺附近便利店买啲早餐
便利店啲早餐都几好食
后来发现好多台湾人都会喺便利店食早餐
香港人喺便利店买吃喝的，都通常拎走
恒春有啲餐厅都几有特色
好似呢间DAYA
除咗主打墨西哥菜
仲有适合年青男女嘅服饰
都系台湾滑浪品牌
我哋都摆低咗HKD837.5 买咗两件衫一条裤
喺台湾来讲都系偏贵嘅
系呢度集合完就包车出发水豚生态乐园
要网上预约啊
入场费+水豚游水(半个钟)，HKD246@
同水豚游水嘅部份，其实喺个四方池入边水位，亦唔系好高。
厕格入面设有水管冲身，比较简约。
除咗水豚，仲有梅花鹿同埋羊可以喂草，
另外仲有其他活动工作坊
之后我哋继续包车
去咗一个偏远嘅山上cafe睇日落🌅
有注场金毛狗狗🦮
仲有其他狗狗嚟探访
一日之后继续使用包车喺附近食个小炒
叫咗一榨芒果汁，冇影低，不过好好饮🤤
左下角𠮶碟叫蛋炒雨来菇，其实系木耳炒蛋，份量有啲多，食到怕怕。
之后我哋仲喺唔同地方嗌过两次呢个菜式，几日后食到夜市有一间最好味，不过𠮶间夜市小炒改咗个名叫「情人的眼泪」。
系唔小心再嗌咗🤣，但反而系最好味𠮶间🤤
食饱之后，4人继续包车到垦丁旅店
M42 Resort，HKD2000@person/Day
好贵🫣但系值得👍🏻
睇到满天星，所以我开咗个观星Apps
有幸运之神眷顾，𠮶晚有南金牛座流星雨！
我哋睇到一粒流星飞过！
睇完先开始落雨！
𠮶晚喺酒店睇到夜景
第二朝嘅日境系咁样😍
Day 3
呢日同朋友分开玩
我哋去圃拉府站
影排湾族服饰
虽然已经9月尾
但仍然热到HIHI
其实台湾比香港冇咁湿，所以都会晒到刺痛，要注意防晒同补水！
住咗两晚又返到去台北
呢间旅店我地卜HKD692/晚
房间嘅即弃用品、野饮、杯面、小食
全部以自助形式喺大堂自取
夜市我地去咗3个
南部：
喺垦丁大街嘅夜市会有cocktail饮
恒春夜市选择都好多
但只系开星期日
我哋仲撞到前当红女团前成员
DAY 4
喺诚品出返黎已经天黑了
直接见到著灯嘅台北101
仲有啲人喺马路打卡
其实好危险！
101旁边有栋起紧嘅大厦，貌似会高过101。
DAY 5
食完早餐就搭捷运到关渡站转公车去湖入面Wakeboard，系专业教练啊，所以都比香港贵。
搭捷运时，发现关渡站同淡水站都好近，
所以Wakeboard 完，
就直接去淡水行下，
听闻淡水睇黄昏好靓。
本身坐定粒六要食冰，
听教练讲淡水老街得一间食冰嘅店，
但去到又好疑惑…系咪得呢间，
因为对面又有一间。
行到咁上下，我哋喺淡水又揾咗间店坐低食下嘢。
本身系见到有蟹粥想试下点
知个蟹粥好失败
反而烧蚝同烧扇贝唔错
睇完淡水嘅日落
入夜8pm返到西门想食无老锅
但冇得卜位又FULL晒
最快要9:30pm入坐
返返酒店放低野9:15pm 再到无老锅
原来佢地开到凌晨2am，少癫！
埋单每人HKD259
当日有奖抽，我哋有寿星仔掷中送多一盘猪肉！
叫咗两榨野饮，估唔到有惊喜！
一榨系菊蜜，一榨系柑桔柠檬
如果要食好辣嘅汤底，无老锅其实唔太辣，不过都浓味同香嘅。
芝士鱼豆腐都好味！
佢地嘅鸭血系无限Refill，所以唔驶特登叫:P
DAY 6
之后又去西门町行，可能就黎中秋
所以呢几日有市集，早一晚有见到靓靓穿戴甲
第二日揾唔返同一间，最尾买咗呢间试用
因为本身自己都佛系做美甲，想试下其他唔同技术
暂时仲争穿戴甲未试过，同香港差唔多价HKD140左右
一如过往，不适用于本人指甲
更多美甲资讯，请到本人IG SHOP 了解
https://www.instagram.com/reel/Cx9heLrSZEq/?igshid=MzRlODBiNWFlZA==
之后就去返两日前淆底
冇去纹身嘅西门纹身街纹身
历时2.5小时，HKD4000
DAY 7
去咗东区，年轻人、轻熟女想集中一个地方
买衫、买潮牌、古著、内衣等，都可以行下呢度
都够行大半日！
喺东区感觉，好似去咗日本咁
啲店舖同埋餐厅都设计得好有格调
不知不觉就行咗好耐
台湾都好似几多与民同乐嘅活动
扫个QR CODE 留低简单个人资料…
就有一架属于自己嘅单车号
掷骰去到边，就要跟指示做一样嘅野
我系要去山上喝沙冰
不过最后一日系台湾了，做唔到
而且我已经唔记得系咩野山
可能下次再去台湾求其去座山打卡饮沙冰当找数
唔觉唔觉都行到夜晚
突然见到成条街嘅人影住我哋后面！
原来系有个劲大个月光！
夜晚同寿星仔预祝生日
寿星仔女朋友喺东区附近卜咗一间西餐厅-玛黑餐酒
除返开，每人HKD500
性价比都几高
返到旅店，等12点正，同寿星仔庆祝生日
将个月饼整到蛋糕咁
寿星仔要求一切开见到白色液体
我一于照做，最怕你唔敢食！
台湾人真系好客
知道有人生日
送咗台湾啤酒比我哋饮
（我唔饮酒，所以得3罐）
DAY 8
食咗咁多日台湾早餐
觉得佢地嘅早餐普遍多选择同平
香港要食到咁平
同埋有饱肚感觉
可能只得M记…
然后就行西门嘅诚品，呢间诚品系冇书架！
但里面有一层可以打机！好刺激！
咁又留咗几个钟
之后又系医肚嘅时间
都系随便入咗一间店
两个人食一个套餐
一个鲁肉饭
一个鹅肉冬粉
之前系夜市有买胡椒饼食
但劲难食啰
仲要排晒队
外皮又㶶
个馅又干
都系要喺返街买胡椒饼边撞下手神
呢档胡椒饼
外脆
多汁
劲重胡椒味
HKD12
买完胡椒饼，最后一个行程
去咗呢间台湾最历史悠久嘅UKULELE专门店睇下UKULELE
最后买咗一条UKULELE孭带
两位店员好好倾
又后生又靓仔靓女
返到旅店见到LOBBY雪柜有3个布丁
即刻拎定比朋友食
因为佢地之前喺市集见到布丁想食
但最后冇买到
虽然同市集果个唔同
但呢个都好滑好好味！
其实呢个旅程
我哋有一半行程都经过夹公仔舖
所以成日都去夹公仔
台湾嘅夹公仔机好多样化
仲见到有一间夹公仔机可以比人电话叉电
欣赏！
成个旅程最多谢老公肯同我一齐录跳跳片
如果想睇片可以follow 我IG@breadbreadyoyochoy
总之，台湾系非常抵玩！
亦仲有好多地方未去！
多谢睇到最后嘅您