台北墾丁八天遊記
今次係我第三次去台灣旅行。
第一次婚後旅行;第一次呢個組合四人行;第一次睇到流星;第一次開通海外提款;第一次喺湖中wakeboard ;第一次紋身;第一次見到水豚;第一次著排灣族攝影。
以下兌換率1:4
DAY 1
去程機票用里數兌換
但以為另外兩位朋友喺台北集合
所以兌換錯咗機場地點喺台北桃園機場
多了一次乘坐高鐵嘅經驗
喺台北過一晚
高鐵台北站到左營站HKD175@
HKD25 買咗悠遊卡,增值HKD50
食咗路邊滷肉飯 HKD15;羊肉羹 HKD17
豬肉、醬汁好豐富😋;羊肉味好濃🤤
DAY 2
由桃園機場到左營站 每人車費HKD175
呢日出發時間好早(大概7:30am)
附近早餐店都冇開門
所以都喺附近便利店買啲早餐
便利店啲早餐都幾好食
後來發現好多台灣人都會喺便利店食早餐
香港人喺便利店買吃喝的,都通常拎走
恆春有啲餐廳都幾有特色
好似呢間DAYA
除咗主打墨西哥菜
仲有適合年青男女嘅服飾
都係台灣滑浪品牌
我哋都擺低咗HKD837.5 買咗兩件衫一條褲
喺台灣來講都係偏貴嘅
係呢度集合完就包車出發水豚生態樂園
要網上預約啊
入場費+水豚游水(半個鐘),HKD246@
同水豚游水嘅部份,其實喺個四方池入邊水位,亦唔係好高。
廁格入面設有水管沖身,比較簡約。
除咗水豚,仲有梅花鹿同埋羊可以餵草,
另外仲有其他活動工作坊
之後我哋繼續包車
去咗一個偏遠嘅山上cafe睇日落🌅
有註場金毛狗狗🦮
仲有其他狗狗嚟探訪
一日之後繼續使用包車喺附近食個小炒
叫咗一榨芒果汁,冇影低,不過好好飲🤤
左下角嗰碟叫蛋炒雨來菇,其實係木耳炒蛋,份量有啲多,食到怕怕。
之後我哋仲喺唔同地方嗌過兩次呢個菜式,幾日後食到夜市有一間最好味,不過嗰間夜市小炒改咗個名叫「情人的眼淚」。
係唔小心再嗌咗🤣,但反而係最好味嗰間🤤
食飽之後,4人繼續包車到墾丁旅店
M42 Resort,HKD2000@person/Day
好貴🫣但係值得👍🏻
睇到滿天星,所以我開咗個觀星Apps
有幸運之神眷顧,嗰晚有南金牛座流星雨!
我哋睇到一粒流星飛過!
睇完先開始落雨!
嗰晚喺酒店睇到夜景
第二朝嘅日境係咁樣😍
Day 3
呢日同朋友分開玩
我哋去圃拉府站
影排灣族服飾
雖然已經9月尾
但仍然熱到HIHI
其實台灣比香港冇咁濕,所以都會曬到刺痛,要注意防曬同補水!
住咗兩晚又返到去台北
呢間旅店我地卜HKD692/晚
房間嘅即棄用品、野飲、杯麵、小食
全部以自助形式喺大堂自取
夜市我地去咗3個
南部:
喺墾丁大街嘅夜市會有cocktail飲
恒春夜市選擇都好多
但只係開星期日
我哋仲撞到前當紅女團前成員
DAY 4
喺誠品出返黎已經天黑了
直接見到著燈嘅台北101
仲有啲人喺馬路打卡
其實好危險!
101旁邊有棟起緊嘅大廈,貌似會高過101。
DAY 5
食完早餐就搭捷運到關渡站轉公車去湖入面Wakeboard,係專業教練啊,所以都比香港貴。
搭捷運時,發現關渡站同淡水站都好近,
所以Wakeboard 完,
就直接去淡水行下,
聽聞淡水睇黃昏好靚。
本身坐定粒六要食冰,
聽教練講淡水老街得一間食冰嘅店,
但去到又好疑惑…係咪得呢間,
因為對面又有一間。
行到咁上下,我哋喺淡水又搵咗間店坐低食下嘢。
本身係見到有蟹粥想試下點
知個蟹粥好失敗
反而燒蠔同燒扇貝唔錯
睇完淡水嘅日落
入夜8pm返到西門想食無老鍋
但冇得卜位又FULL晒
最快要9:30pm入坐
返返酒店放低野9:15pm 再到無老鍋
原來佢地開到凌晨2am,少癲!
埋單每人HKD259
當日有獎抽,我哋有壽星仔擲中送多一盤豬肉!
叫咗兩榨野飲,估唔到有驚喜!
一榨係菊蜜,一榨係柑桔檸檬
如果要食好辣嘅湯底,無老鍋其實唔太辣,不過都濃味同香嘅。
芝士魚豆腐都好味!
佢地嘅鴨血係無限Refill,所以唔駛特登叫:P
DAY 6
之後又去西門町行,可能就黎中秋
所以呢幾日有市集,早一晚有見到靚靚穿戴甲
第二日搵唔返同一間,最尾買咗呢間試用
因為本身自己都佛系做美甲,想試下其他唔同技術
暫時仲爭穿戴甲未試過,同香港差唔多價HKD140左右
一如過往,不適用於本人指甲
更多美甲資訊,請到本人IG SHOP 了解
https://www.instagram.com/reel/Cx9heLrSZEq/?igshid=MzRlODBiNWFlZA==
之後就去返兩日前淆底
冇去紋身嘅西門紋身街紋身
歷時2.5小時,HKD4000
DAY 7
去咗東區,年輕人、輕熟女想集中一個地方
買衫、買潮牌、古著、內衣等,都可以行下呢度
都夠行大半日!
喺東區感覺,好似去咗日本咁
啲店舖同埋餐廳都設計得好有格調
不知不覺就行咗好耐
台灣都好似幾多與民同樂嘅活動
掃個QR CODE 留低簡單個人資料…
就有一架屬於自己嘅單車號
擲骰去到邊,就要跟指示做一樣嘅野
我係要去山上喝沙冰
不過最後一日係台灣了,做唔到
而且我已經唔記得係咩野山
可能下次再去台灣求其去座山打卡飲沙冰當找數
唔覺唔覺都行到夜晚
突然見到成條街嘅人影住我哋後面!
原來係有個勁大個月光!
夜晚同壽星仔預祝生日
壽星仔女朋友喺東區附近卜咗一間西餐廳-瑪黑餐酒
除返開,每人HKD500
性價比都幾高
返到旅店,等12點正,同壽星仔慶祝生日
將個月餅整到蛋糕咁
壽星仔要求一切開見到白色液體
我一於照做,最怕你唔敢食!
台灣人真係好客
知道有人生日
送咗台灣啤酒比我哋飲
(我唔飲酒,所以得3罐)
DAY 8
食咗咁多日台灣早餐
覺得佢地嘅早餐普遍多選擇同平
香港要食到咁平
同埋有飽肚感覺
可能只得M記…
然後就行西門嘅誠品,呢間誠品係冇書架!
但裡面有一層可以打機!好刺激!
咁又留咗幾個鐘
之後又係醫肚嘅時間
都係隨便入咗一間店
兩個人食一個套餐
一個魯肉飯
一個鵝肉冬粉
之前係夜市有買胡椒餅食
但勁難食囉
仲要排晒隊
外皮又燶
個餡又乾
都係要喺返街買胡椒餅邊撞下手神
呢檔胡椒餅
外脆
多汁
勁重胡椒味
HKD12
買完胡椒餅,最後一個行程
去咗呢間台灣最歷史悠久嘅UKULELE專門店睇下UKULELE
最後買咗一條UKULELE孭帶
兩位店員好好傾
又後生又靚仔靚女
返到旅店見到LOBBY雪櫃有3個布丁
即刻拎定比朋友食
因為佢地之前喺市集見到布丁想食
但最後冇買到
雖然同市集果個唔同
但呢個都好滑好好味!
其實呢個旅程
我哋有一半行程都經過夾公仔舖
所以成日都去夾公仔
台灣嘅夾公仔機好多樣化
仲見到有一間夾公仔機可以比人電話叉電
欣賞!
成個旅程最多謝老公肯同我一齊錄跳跳片
如果想睇片可以follow 我IG@breadbreadyoyochoy
總之,台灣係非常抵玩!
亦仲有好多地方未去!
多謝睇到最後嘅您