打破迷信 - 風水其實都可以好有科學根據

    到底風水佬係咪真係會呃你十年八年﹐風水又係咪真係等於迷信? 迷信似乎起我地心目中已經同占卜、算命等等玄學範疇成為左不可分割嘅關係﹐但迷信兩個字對我而言可以有好多範疇。有人迷信玄學、有人迷信宗教、有人迷信科學、有人迷信自己。有啲野凡係太over﹐就有啲過份。

  風水﹐其實都可以好有科學根據。Cherry係我一個識左好多年嘅朋友﹐近年疫情對佢事業發展不但冇影響﹐反而仲升職加薪。今年年頭仲搬左新屋租住。但搬左新屋之後病痛多左、訓得唔好、一係失眠、一係多夢訓下醒下。呢個狀態持續左一段時間﹐Cherry亦開始懷疑係咪風水問題定係有朋友仔?

  機緣巧合﹐有一晚到佢屋企Gathering ~ 原來原因係呢樣 ! 利申我不是甚麼大師﹐只係一個小薯茄。但係起家居風水嚟講﹐床頭係不能對灶、就算有牆隔住亦不能向住電視、雪櫃、電錶房。輕則影響睡眠質素﹐重則影響健康。風水係唔吉利的﹐但科學又可以點解釋呢 ? 其實好簡單﹐電子儀器嘅磁場會影響人腦電波﹐當訓覺果陣不斷被磁場干擾﹐又如何訓得好呢﹐失眠、多夢問題亦會發生。如果旁邊係電錶房﹐更加係可大可小。

  所以話呢﹐風水某程度上都係同科學有關。迷唔迷信視乎你對果樣野會否過份依賴。風水﹐其實都可以好有科學根據。