生活就是多困难

我知嫁…家家有本难谂的经，希望以下分享唔好介意我写得唔够其他人劲好文笔，都唔好介意我首次写又唔夹张靓相，因为我要边喂奶俾个细囝、边逼个大女瞓。

【家家有本难谂的经】

你有几困难？

钱？我无钱…家下仲要欠紧卡数，虽然唔洗差到要还min. Pay …但都每月还唔哂开支，用少d 得唔得？凑住两个，屋企仲有位99，得老公一个返工，未做到悭得咁尽善尽美

凑小朋友？除左接送返学、补习，加星期六课外活动。成日系车听住个囝劲喊…每日有三个钟就系做司机，攰到有时会瞓著，因为未计落车就要买𩠌、煮饭、洗碗、洗折熨衫，未计日常用品等。

工作？想赚钱都无机会…超过一百著次想返工，但无奈无人睇住两个小朋友。人在外地人工薪金更会被压，自问唔系大学生，但过往都勤力工作，系香港时系好员工。但家下就穷到煨。

老公？自己衰啰…鬼叫唔识做个撒娇的女人，如否唔洗日日都狮吼，怨妇咁。家务佢又话唔识、煮饭又话唔识、整车就一日搞掂

自己？对外好多人都话我好好人嫁…又有爱心，其实边系，有时激动到会用粗口大骂。特别同自己奶奶，因为我地一齐住，相见好同住难，明唔明？