生活就是多困難

我知嫁…家家有本難諗的經，希望以下分享唔好介意我寫得唔夠其他人勁好文筆，都唔好介意我首次寫又唔夾張靚相，因為我要邊餵奶俾個細囝、邊逼個大女瞓。

【家家有本難諗的經】

你有幾困難？

錢？我無錢…家下仲要欠緊卡數，雖然唔洗差到要還min. Pay …但都每月還唔哂開支，用少d 得唔得？湊住兩個，屋企仲有位99，得老公一個返工，未做到慳得咁盡善盡美

湊小朋友？除左接送返學、補習，加星期六課外活動。成日係車聽住個囝勁喊…每日有三個鐘就係做司機，攰到有時會瞓著，因為未計落車就要買餸、煮飯、洗碗、洗摺熨衫，未計日常用品等。

工作？想賺錢都無機會…超過一百著次想返工，但無奈無人睇住兩個小朋友。人在外地人工薪金更會被壓，自問唔係大學生，但過往都勤力工作，係香港時係好員工。但家下就窮到煨。

老公？自己衰囉…鬼叫唔識做個撒嬌的女人，如否唔洗日日都獅吼，怨婦咁。家務佢又話唔識、煮飯又話唔識、整車就一日搞掂

自己？對外好多人都話我好好人嫁…又有愛心，其實邊係，有時激動到會用粗口大罵。特別同自己奶奶，因為我地一齊住，相見好同住難，明唔明？