清朝史搞笑版之康熙皇帝親自教育皇子們(笑話)

話說康熙皇帝好中意西方文化文明,一日,康熙皇帝苦口婆心咁同皇次子胤礽同皇四子胤禛講:「礽兒,禛兒,你哋大個仔啦!你應該留意多啲西方文化文明,尤其係自然科學同西方語言,因為西方列強既綜合國力一百年後將會超越大清。」
皇次子胤礽唔高興咁講:「皇阿瑪,我唔想喎!我淨係想接觸北京文化文明咋!」
康熙皇帝繼續苦口婆心咁講:「胤礽,你咁樣係唔得架!因為人一定要留意外國既文化,甚至係外星!因為如果人唔留意外國或者外星既嘢,咁樣佢哋點知道人哋發展成點呢?如果有啲嘢人哋發展得好,我哋應該向佢哋好好學習,唔應該封閉自己。」
皇次子胤礽傻傻咁講:「唔掣!我唔中意學外國既嘢,我淨係想學北京既嘢,因為做井底之蛙好有趣。我不知世間事架我!」
皇四子胤禛認真咁講:「好!我會緊遵皇阿瑪教晦!我會學多啲西方列強既語言既!」
康熙皇帝對住皇四子胤禛讚賞咁講:「好!你真係有做好皇帝既潛質哦!」(如有雷同,實屬巧合)