點解港女唔中意成日打機既人?(笑話)

卓仁同學好中意打機,佢每日小息時間,都會攞部遊戲機出嚟玩。

港女欣欣同學見到卓仁同學喺度打機,就講:「卓仁,你成日打機架?唔得架喎!你會冇女中意你架喎!」

卓仁同學呆呆咁講:「係架咩?」

港女欣欣同學坦白咁講:「當然啦!你應該參與多啲富豪活動!」

阿信同學幫卓仁同學講:「我事先聲明我並唔係中意打機既人,不過我就唔會唔畀人打機既!我覺得冇乜所謂啊!唔知點解佢哋咁睇唔起呢種人,佢哋唔中意嫁畀成日打機既人,唔通中意成日搞機(搞基)既人,哇!佢哋既擇偶條件認真特別啊!我最中意啲最特別既人架啦!」

小峯同學認真咁講:「富豪活動?!我覺得人人都應該參與多啲唔同既活動,體驗一下唔同階層既生活,唔應該拘泥於係咪有錢人家玩既嘢,同埋最緊要有興趣,冇興趣既話,好難將佢當係一門職業咁睇架!因為您對某樣嘢冇興趣,好難堅持每日16個鐘頭去投入嗰樣活動架!」(如有雷同,實屬巧合)