安史之亂(笑話)

唐朝美容元年，唐玄宗死，豬太后因唐玄宗膝下無子，所以同大臣商議之後，决定兄終弟及，傳位畀唐玄宗李隆基之弟李隆胸，藩鎮勢力柯得清同屎太濃素來與當時仲係蠢王既李隆胸不和，當李隆胸登基之後三個月，李隆胸打算降佢地職，由一品大官降為九品芝麻官,仲要揾佢哋義務拍埋《九品芝麻官續集》,佢地感到前途一片暗淡，於是發動咗歷史上有名的柯屎之亂。柯屎之亂既經過係柯得清約埋屎太濃率頌十萬大軍喺首都長安既大街大巷度柯屎，柯得臭氣熏天，污糟到極，臭到長安既市民雞飛狗走。李隆胸得知消息後，冇直接攻打柯得清同屎太濃，李隆胸使出咗調豬離山之計,調走咗柯得清同屎太濃呢兩隻豬,然之後再使出擒豬先擒王之計,臭暈咗佢哋,兼且親自率領5萬兵力，去包圍佢哋既根據地，仲以其人之道還治其人之身，喺佢哋嗰度當街柯屎，令到佢哋迫不得已要撤退，回防自救。但係李隆胸軍因為借助咗一位未來人既幫助，佢地係搭乘飛機去柯得清同屎太濃既根據地既，所以好快就去到啦!柯得清同屎太濃醒番之後,發動十萬八千里長征都追唔上佢哋，最終以李隆胸大獲全勝而告終,而柯得清同屎太濃因為分別中意佢哋既細仔柯唔完同屎忽,想傳位畀佢哋,所以最後分別畀佢哋既大仔柯唔晒同屎松殺死,史稱柯屎之亂,而因為個名有啲核突,於是乎就改為安史之亂。安史之亂之後,李隆胸唔知點解不幸患咗老年癡呆症同埋阿茲海默症,變得愈嚟愈呆,最後發呆而亡,佢既謚號係呆,後人稱佢為唐呆宗!(如有雷同,實屬巧合)