一日,小峯同學、珍珍同學同小慧同學去咗「大家唔係好快樂」快餐店食午餐。
珍珍同學同小慧同學同時嗌咗焗豬扒飯食。而小峯同學就嗌咗吉列魚柳飯食。
小慧同學驚訝咁講:「唔係啩!你又食吉列魚柳飯啊!你尋日、前日、大前日同大大前日都係食吉列魚柳飯喎!你唔厭架咩?」
小峯同學幽默咁講「唔厭!我呢啲中意讀歷史既人,係老古董嚟架嘛!我好念舊架我!我睇書係用竹簡架我!」
珍珍同學驚訝咁講：「我仲以為你係用甲骨嚟讀書架!」
小峯同學坦白咁講:「您估中咗!我確實識埋甲骨文架!」(如有雷同,實屬巧合)
