身外物(笑话)

小峰爸行行吓街,唔知点解经过宝莲禅寺,谂起最近遇到一啲烦恼,于是乎就走入宝莲禅寺入面,想请教一下法师。佢入咗去冇几耐,就遇到一位法师,佢就走过去向佢请教。
 

小峰爸烦恼咁讲:「大师,我最近遇到一啲问题,想您帮我解答!」
 

大悟法师惜字如金咁讲:「好!请讲!」
 

小峰爸烦恼咁讲:「大师,我个仔小峰最近数学考试唔合格,考唔到入心仪既大学,咁早出嚟社会做嘢唔知佢做咩好?我觉得佢前途一片暗淡哦!」
 

大悟法师平淡咁讲:「钱财身外物嘛!分数都系身外物嚟啫!何必咁执著呢!好似我哋佛家金刚经所讲既『一切有为法 如梦幻泡影 如雾亦如电 应作如是观』呢句偈既意思系话,查实呢个世界好多嘢都系虚幻既!包括您既何B仔在内!其实您系香江最后一位太监嚟,您个仔根本就唔存在,一切都系您既想像嚟,您患咗发仔寒综合症,您应该快啲去睇心理医生!」
 

小峰爸终于大彻大悟,立地成佛,即刻去睇心理医生。

小峰爸突然间瞓醒咗,小峰喺床头望住佢:「阿爸,您发完梦未,您够钟去睇心理医生啦!」(如有雷同,实属巧合)