身外物(笑話)

小峯爸行行吓街,唔知點解經過寶蓮禪寺,諗起最近遇到一啲煩惱,於是乎就走入寶蓮禪寺入面,想請教一下法師。佢入咗去冇幾耐,就遇到一位法師,佢就走過去向佢請教。
 

小峯爸煩惱咁講:「大師,我最近遇到一啲問題,想您幫我解答!」
 

大悟法師惜字如金咁講:「好!請講!」
 

小峯爸煩惱咁講:「大師,我個仔小峯最近數學考試唔合格,考唔到入心儀既大學,咁早出嚟社會做嘢唔知佢做咩好?我覺得佢前途一片暗淡哦!」
 

大悟法師平淡咁講:「錢財身外物嘛!分數都係身外物嚟啫!何必咁執著呢!好似我哋佛家金剛經所講既『一切有為法 如夢幻泡影 如霧亦如電 應作如是觀』呢句偈既意思係話,查實呢個世界好多嘢都係虛幻既!包括您既何B仔在內!其實您係香江最後一位太監嚟,您個仔根本就唔存在,一切都係您既想像嚟,您患咗發仔寒綜合症,您應該快啲去睇心理醫生!」
 

小峯爸終於大徹大悟,立地成佛,即刻去睇心理醫生。

小峯爸突然間瞓醒咗,小峯喺床頭望住佢:「阿爸,您發完夢未,您夠鐘去睇心理醫生啦!」(如有雷同,實屬巧合)